Яңа закон буенча кемнәр акчалата ярдәм алачак?

Россия Федерациясе Президенты Владимир Путин балалы гаиләләргә һәм йөкле хатын-кызларга ярдәм чаралары турында яңа законны имзалады. Документ рәсми порталга урнаштырылган.

Карар нигезендә, 1 нче сентябрьдән җиде яшькә кадәрге баланы карау буенча «больничный» хезмәт хакының 100% күләмендә түләнәчәк.
1 нче июльдән 8 яшьтән алып 16 яшькә кадәр балалы тулы булмаган аз тәэмин ителгән гаиләләргә айлык түләүләр каралган. Түләүләр төбәктәге балалар яшәү минимумының 50% күләмендә булачак. Бу – Россия буенча уртача 5 650 сум дигән сүз.

Шулай ук 1 июльдән, йөкле булу сәбәпле, медицина оешмаларында учетка баскан һәм авыр матди хәлдә булган хатын-кызларга айлык пособие кертелә. Мондый түләүләрнең суммасы аена уртача 6 350 сум тәшкил итәргә мөмкин, дип хәбәр итә «Вести образования».

Диләрә БАТРШИНА

Добавить комментарий

Ваш адрес email не будет опубликован.