«Ислам динен беләсезме?» бәйгесенең беренче җиңүчесе бүләкләнде

Журналыбызның июнь санында игълан ителгән «Ислам динен беләсезме?» бәйгесенең беренче җиңүчесе Камилә Мөхәммәдиева үзенең бүләген алды. Коръән Кәрим китабы аның кулында!

Ә икенче бүләк инде үзенең хуҗасын редакциядә көтә. Аның иясе буласыгыз килсә, 25 июльгә кадәр түбәндәге сорауларга дөрес итеп җавап биреп, gaila-mektep@mail.ru электрон адресына яки почта аша 420066 Казан, Декабристлар урамы, 2 нче йорт, а/т 47 адресына юллагыз. Хатка «Ислам динен беләсезме?» дип тамга салырга онытмагыз!

Сораулар:

• Аллаһы Тәгалә кайсы пәйгамбәрнең малын һәм балаларын һәлак итеп, үзен көчле сырхау белән сыный?


• Беренче мәчет кайда төзелгән һәм ул бүгенге көндә сакланганмы?


• Доганың кабул булуына нәрсәләр комачауларга мөмкин?


• Ваҗиб гамәл фарыз гамәлдән нәрсә белән аерыла?


• Мөселман берәр нәрсәгә сокланса, нәрсә дип әйтергә тиеш?