Казанга Кыш бабай килде

Чит ил журналистларын Кыш бабай белән таныштырдылар. Футбол буенча дөнья чемпионатының шәһәр матбугат үзәгендә Кыш бабай һәм Кар кызы катнашында интерактив оештырылды. 

Татар Яңа елының төп символлары белән беррәттән журналистлар янына кунакка Шүрәле килде. Әкият геройлары Казанда узучы футбол матчларына килгән журналистларны милли мәдәният белән таныштырды.

Кыш бабай резиденциясе җитәкчелеге  хезмәттәшләребезне кунакка чакырып калды.