31 декабрьдә ял итәбезме?

Дәүләт Думасы 31 декабрьне рәсми рәвештә ял көне дип игълан итү турындагы закон проектын карарга мөмкин, дип хәбәр ителә РИА Новости сайтында. 
Документны парламентның түбән палатасына 2020 елда ук керткәннәр. Аңлатмада «31 декабрь эш көненә туры килгән очракта, россиялеләр еш кына Яңа елны бәйрәм итүгә әзерләнү өчен ял яки түләнми торган отпуск ала» диелгән.
Дәүләт Думасының Социаль сәясәт комитеты әгъзасы Светлана Бессараб әйтүенчә, тиздән аны карарга уйлыйлар.

Фәния Лотфуллина