Балалар ризыгы – уен эш түгел

Директорлар мәктәпкә китерелә торган азык-төлекнең сыйфатын тикшерергә тиеш.
Бу хакта «Комсомольская правда» радиосы эфирында Мәскәү мәгариф оешмаларында туклануны оештыру һәм аның сыйфатын контрольдә тоту комиссиясе рәисе Наталья Анпеткова хәбәр иткән.

«Ул, беренчедән,мәктәп ашханәсенә ризык китергән компаниянең ничек эшләвен, контроль-күзәтчелек органнарының барлык документларын карарга тиеш. Барысы өчен директор җавап бирә», - дип белдергән белгеч.

Мисал өчен, Красноярскида дистәләгән бала мәктәп ашханәләрендә яшелчәдән ясалган салат белән агуланган. Анпеткова билгеләп үткәнчә, балалар туклануына тиешле контроль булмаган. Барлык продуктлар да берничә тапкыр тикшерү узарга тиеш.

Таңсылу ГАБИДУЛЛИНА