«Яз гүзәле» проекты старт ала
Конкурс финалы 2025 елның 9 апрелендә узачак.
Казан дәүләт энергетика университеты Татарстан Республикасы Рәисенең Татарстан Республикасында яшәүче халыклар вәкилләренең туган телләрен һәм татар телен саклау, үстерү мәсьәләләре буенча комиссиясе, Татарстан Республикасының Яшьләр эшләре министрлыгы һәм «Идел» яшьләр үзәге ярдәме белән «Яз гүзәле – 2025» дип аталган XVI мәдәни-агарту проектын уздыра. Үзенчәлекле яшьләр чарасы буларак танылган конкурс яшь буынга эстетик һәм патриотик тәрбия бирүгә юнәлтелгән, ә аның төп бурычы – яшьләр арасында татар милли мәдәниятен саклау һәм популярлаштыру.
«Яз гүзәле» финалында Идел буе федераль округының татар гореф-гадәтләре белән кызыксынучы югары һәм урта һөнәри белем бирү оешмаларыннан 30 кыз катнашачак.
2025 елның 2 апреленнән 8 апреленә кадәр конкурсантлар үз сәләтләрен күрсәтәчәк.
Конкурс финалы 2025 елның 9 апрелендә 18:00 сәгатьтә «Пирамида» күңел ачу комплексында узачак.
Язмага реакция белдерегез
Вход на сайт
Казанда туган телләр укытучыларының Бөтенроссия конкурсы узачак
Татарстан Республикасы Мәгариф һәм фән министрлыгы хәбәр итүенчә, 26-27 март көннәрендә Казан шәһәренең Вахитов районындагы К.Насыйри исемендәге аерым фәннәрне тирәнтен өйрәнүче 80нче номерлы татар-рус урта гомуми белем бирү мәктәбе базасында мәгариф оешмалары һәм якшәмбе мәктәпләренең туган телләр укытучыларының Бөтенроссия конкурсының йомгаклау этабы узачак. 2007 елдан бирле уздырылып килүче конкурс Татарстан Республикасында телләрне саклау һәм үстерү буенча дәүләт программасы кысаларында һәм Татарстан Республикасы Мәгариф һәм фән министрлыгының эш планына туры китереп уздырыла.
Конкурсның төп максаты – Россия һәм Татарстан халыкларының тел һәм мәдәни күптөрлелегенә ярдәм итү, туган тел укытучысы һөнәренең абруен күтәрү, шулай ук алдынгы педагогик тәҗрибәне тарату.
Конкурсның читтән торып үткәрелгән этабында Татарстан районнарыннан 69 укытучы һәм Россиянең башка төбәкләреннән 12 укытучы катнашты. Финалга 50 туган тел һәм әдәбият укытучысы узды, шул исәптән: 16 туган татар теле укытучысы, 8 туган рус теле укытучысы, 7 туган чуваш теле укытучысы, 3 туган мари теле укытучысы, 3 туган удмурт теле укытучысы һәм 1 туган мордва теле укытучысы һәм Россия Федерациясенең башка субъектларыннан 12 туган (татар) теле һәм әдәбияты укытучысы.
Конкурста җиңүчеләрне бүләкләү тантанасы 27 мартта узачак.
Фото: ТР Мәгариф һәм фән министрлыгы сайты
Следите за самым важным и интересным в Telegram-каналеТатмедиа
Яңалыклар битенә керегез
ТӘКЪДИМ ИТӘБЕЗ
Комментарийлар