Ришат Төхвәтуллин Башкортстанның атказанган артисты исеменә лаек булган

Бүләкләү тантанасы кичә  Уфада узган. Ришат Төхвәтуллин Башкортстанның Туймазы районы Карамалы-Гөбәй авылында  туган. Кечкенәдән җыр белән кызыксынган Ришат баян, гитара, фортепианода уйный белә. Октябрьский музыкаль училищесын, Заһир Исмагилов исемендәге Уфа дәүләт сәнгать академиясен тәмамлаган. «Гәлсәр сандугач» телевизион җыр конкурсында - «Өмет» номинациясендә лауреат,  «Татар моңы» халыкара конкурсында лауреат, Р.Ваһапов исемендәге халыкара татар җыры фестиваленең I дәрәҗәдәге лауреаты.