Татарстанда чит ил турларына бәяләр арткан

Гыйнвар аеннан Татарстанда чит ил турларына бәяләр 3,6 процентка арткан. Татарстан Республикасы Милли банкының матбугат хезмәте әнә шулай дип хәбәр итте.

Узган ел бәяләр декабрь аенда бер процентка арзанрак булган. Бәяләрнең артуын чит илгә сәфәр кылырга яратучыларның артуы һәм эпидемия чикләүләренең киметелүе белән бәйле диелә хәбәрдә.

Милли банк белгечләренең сүзләренә караганда, республикада бәяләрнең үсешенә яшелчә һәм җиләк-җимеш тәкъдим итүчеләрнең кимүе, шулай ук товар җитештерүчеләр һәм хезмәт күрсәтүчеләрнең чыгымнары артуы йогынты ясаган.

Таңсылу ГАБИДУЛЛИНА

Фото: Pixabay.com