«Ышаныч» үзәге укучылар өчен ачык ишекләр көне үткәрә

22 ноября 2023 Фания Лотфуллина

Бүген «Ышаныч» балалар һәм яшьләргә психологик-педагогик ярдәм үзәгенең бер бүлегендә 7–9 нчы сыйныф укучылары өчен ачык ишекләр көне узачак.
Ачык ишекләр көнен 8 нче Март урамы, 4 адресы буенча «Таяныч» психологик хезмәте үткәрәчәк. Чара 14:00 сәгатьтә башлана, дип хәбәр итә Казанның Балалар һәм яшьләр эшләре комитеты.
Психологлар көненә багышланган очрашуда укучыларны учреждение эше белән таныштырачаклар. Психологлар һәм социаль педагоглар балаларга психологик сәламәтлек турында да сөйләячәк.

Ә ел ахырына кадәр шәһәрнең Идел буе районында «Ышаныч» үзәгенең яңа бүлеге эшли башлавы көтелә. Кулагин урамындагы филиал психология үзәген һәм яшүсмерләр клубын киберзал һәм сәнәгать дизайны дәресләре белән берләштерәчәк.

Фәния Лотфуллина