«Глаголица» балалар әдәби премиясендә катнашу өчен теркәлү ачылды

«Глаголица» балалар әдәби премиясендә катнашу өчен теркәлү 11 сентябрьгә кадәр ачык булачак, дип хәбр итә оештыручылар.
Биредә яшь язучылар рус һәм татар телләрендә проза һәм шигърият жанрындагы әсәрләрен, төрле сценарийларын, комиксларын һәм пьесаларын тәкъдим итә ала. Бер әсәрнең чит телдәге тәрҗемәсен дә юлларга мөмкин.
Җиңүчеләр һәм финалистлар Казанда узачак әдәби сменага бушлай юлламалар ала алачак, ә аларның эшләре конкурс альманахында бастырылачак.
Конкурс турында тулы мәгълүматны белергә, гаризаны конкурс сайтындагы сылтама буенча җибәрергә мөмкин - https://clck.ru/34GniR.

Фәния Лотфуллина