Казанда бушка «Чабата» татар биюләренә өйрәтәләр

Бүген Кабан күле яр  буенда «Чабата» татар биюләре буенча перформанс һәм мастер-класс узачак.

Чара «Хәрәкәттә – бәрәкәт» проекты кысаларында уздырыла. Мастер — класста катнашучыларны биергә хореограф Гөлсинә Галимуллина һәм ТР Дәүләт җыр һәм бию ансамбле артисткасы Алсу Мәгъсүмҗанова өйрәтәчәк.

Аккомпаниаторлар гитарачы Айдар Абдрахимов, аккордеончы Әхмәт Эрмулаев, баянчы Ранис Сафиуллин һәм перкуссионист Эрик Марковский биючеләрне матур көйләре белән рухландырачак.

Сезне менә дигән «чабаталы» кич көтә. Чара 19: 00 сәгатьтә башлана, катнашу ирекле.

Таңсылу ГАБИДУЛЛИНА
фото: Казан мэриясе

Добавить комментарий

Ваш адрес email не будет опубликован.