Риза Шәфинең 100 еллыгы

Удмуртиянең Воткинск шәһәрендә шагыйрь Риза Шәфинең 100 еллыгына багышланган шигърият бәйрәме булды.
Кичәдә Риза Шәфи сүзләренә иҗат ителгән җырлар, шигырьләр яңгырады. Балалар шагыйрь җырларын биюләр аша күрсәтте. Чарада Татарстан Язучылар берлеге рәисе урынбасары Рифат Җамал, язучылар Амур Фәләх, Ибраһим Биектаулы, Гыймран Сафин катнашты. Алар барысы да Риза Шәфи турында истәлекләрен барлап, шигырьләрен сөйләп, шагыйрьнең лаеклы шәхес булуын ассызыкладылар.