Сез булганга...

Балык Бистәсе районы Балтач авылында танылган шагыйрә Рәсимә Гарифуллинаның 65 яшьлек юбилеена багышланган «Сез булганга якты минем күңел, сез булганга җирдә мин яшим» дип аталган әдәби-музыкаль кичә узды. Юбилярны Татарстан Язучылар берлеге рәисе урынбасары Рифат Җамал, әдәби тәнкыйтьче, галим Тәлгат Галиуллин, каләмдәше Фәүзия Солтан, яшь язучы Алинә Бикмуллина, яшь шагыйрә Дания Нәгыйм котлады. Кичә Рәсимә Әхмәтзакир кызы шигырьләре һәм моңлы җырлар белән үрелеп барды. Тамашачыны әдәбиятка якынайткан матур бәйрәм булды.