Туган телләрне хәзер кем яклар?

Илдар Гыйльметдинов Россия Дәүләт Думасының милләтләр эше буенча комитет рәисе вазифасыннан китә. Бу турыда парламент палатасы матбугат хезмәте хәбәр итә. 
Комитет җитәкчесе алмашуы турындагы карар Думаның чираттагы утырышында кабул ителгән. Алга таба Дәүләт Думасының милләтләр эше буенча комитетын Олег Николаев җитәкләячәк. Ул «Гадел Россия» фракциясе әгъзасы.  Илдар Гыйльметдинов рәис урынбасары булып билгеләнә.

Россия Дәүләт Думасының милләтләр эше буенча комитет рәисе вазифасында Илдар Гыйльметдинов 4 ел эшләде.