Ата-аналар татар теленнән Бердәм республика имтиханын тапшырачак

17 апрельдә ата-аналар татар теле буенча бердәм республика тестын тапшырачак. Бу хакта ТР Мәгариф һәм фән министрлыгы матбугат хезмәте хәбәр итә.

Татар теле буенча БДИ өч дәрәҗәдә оештырылачак: милләте татар булмаган катнашучылар өчен, татар телен база дәрәҗәсендә белүче катнашучылар өчен, татар телен камил дәрәҗәдә белүчеләр өчен.

Казан шәһәрендә акция 127 нче санлы урта гомуми белем бирү мәктәбе базасында, Х.Мәүләтов урамы 15 нче йортта уздырылачак. Башлану вакыты 9.45.

Муниципаль районнарда акциянең уздырылу урыннары хакындагы мәгълүматны мәгариф бүлекләреннән белергә мөмкин.

Имтиханны министр Рафис Борһанов та тапшырачак.