"Кыш могҗизасы" бәйгесе катнашучылары өчен тавыш бирү азагына якынлаша

Дуслар, «Кыш могҗизасы» бәйгесенә нәтиҗәләр ясарга вакыт җитә. Иртәгә, 28 февраль - тавыш бирүнең соңгы көне. 1 март көнне бәйгенең җиңүчесе ачыкланачак! Җиңүчене бары сезнең тавышларыгыз билгели.

Әлегә Казанның 369 нчы балалар бакчасы алда бара. Әлеге бакчага йөрүче сабыйлар сурәтләнгән фото өчен 850дән артык кеше тавыш биргән. Икенче урында Буаның «Батыр» балалар бакчасы. Буалыларны 740тан артык кеше җиңүгә лаек дип тапкан.  Үзегезгә ошаган фоторәсем өчен тавыш бирү өчен вакыт бар әле.