Мөфти Рамазан ае турындагы барлык сорауларга да җавап бирде

ТР Мөселманнары диния нәзарәте рәисе, мөфти Камил Сәмигуллин Рамазан ае башлану уңаеннан журналистларның сорауларына җавап бирде.

• 26 нчы май көнне кояш баегач Рамазан ае башлана. Беренче тәрәвих намазы укыла.


• 27 нче май көнне уразаның беренче көне.


• 24 нче июнь — соңгы көне.


• 25 нче июнь — Ураза гаете.


• Фитр сәдакасының күләме 100 сумнан 600 сумга кадәр. Бу сәдака гаиләдәге һәрбер кеше өчен бирелә, хәтта яңа туган сабый өчен дә. Күләмен һәр гаилә үзенең матди хәленнән чыгып түли.


• Фидия сәдакасы Рамазан уразасын тота алмаган кешеләр өчен. Сәбәпләре: дәвалап булмый торган авыру (мәсәлән, шикәр чире), картлык зәгыйфьлеге. Кыскасы, мөселманның ураза тотуы сәламәтлегенә зыян китерсә, ул аны тотмыйча фидия генә бирә ала. Күләме бер көнгә 200 сум.


• Республика ифтары 15 июнь көнне Теннис академиясендә булачак. Ифтар 10 мең кешегә әзерләнәчәк.