Совет авторларының әсәрләре Россия мәктәп программаларына кертеләчәк

13 апреля 2023 Фания Лотфуллина

РФ Президенты Владимир Путин Мәгариф министрлыгына совет авторларының әсәрләрен әдәбият дәреслегенә кертү турындагы мәсьәләне карарга кушты. Ветераннар, камалыштагы Ленинградта яшәүчеләр һәм патриотик берләшмә вәкилләре белән очрашу нәтиҗәләре буенча күрсәтмәләр исемлеге Кремль сайтында урнаштырылган, дип хәбәр итә «Татар-информ» мәгълүмат агентлыгы.

Билгеләп үтелгәнчә, биредә «совет язучылары иҗат иткән һәм яшь буынның тарихи аңын формалаштыра торган әдәби әсәрләр» хакында сүз бара. Мәгариф министры Сергей Кравцов әлеге күрсәтмәнең үтәлеше өчен җаваплы итеп билгеләнгән, дәүләт башлыгы докладын 2023 елның август ахырына кадәр тәкъдим итәргә тиешләр.

Фәния Лотфуллина