Татар бизәкләренә багышланган буягыч дөнья күрде

Татарстанда балалар өчен «Бергәләп бизибез» дип исемләнгән яңа китап-буягыч чыкты. Альбомда татар бизәкләренең кыскача тарихы, балаларны рәсем һәм декоратив-гамәли сәнгать нигезләренә өйрәтү өчен биремнәр бар. Бу хакта Миллиард.татар порталында хәбәр ителә.

Һәр биремгә аларны үтәү өчен методик киңәшләр бирелә. Китаптагы биремнәрне балалар мөстәкыйль дә эшли ала, шулай ук укытучы, мәктәпкәчә учреждениеләрнең өлкән төркемнәре тәрбиячесе, сәнгать мәктәбе, түгәрәк, студия педагоглары, шулай ук ата-аналар белән файдаланылырга мөмкин.

Чыганак: "Татар-информ"