Апаста Гөлнур Айзатның​ «Баллы кирпеч» китабын тәкъдим итү булды

Апасның үзәк китапханәсендә  язучы, талантлы шагыйрә,  Гөлнур Айзатның​ «Баллы кирпеч» китабын тәкъдим иттеләр. Кичәгә район җитәкчеләре, Гөлнур Айзатның дуслары, туганнары, классташлары, иҗатын яратучылар, китап сөючеләр җыелды. Гөлнур Айзат «Баллы кирпеч» повестеның төп герое – әтисенең бабасы кирпеч сугу остасы, халык архитекторы Ибәтулла Рәхмәтуллинның тормыш вакыйгалары турында сөйләде, иҗат серләре белән уртаклашты. Автор башкаручы буларак оста итеп җырлады да, биеде дә. Китап бәйрәме матур хатирәләргә бай булды. Кичә Гөлнур Айзат сүзләренә язылган җырлар белән үрелеп барды. Апас халык театры артистлары «Баллы кирпеч» әсәрен сәхнәләштереп тә күрсәттеләр.