Бөтенроссия авыл Сабан туеның баш батыры - Татарстан егете

Әстерхан өлкәсенең  Җәмәле авылында уза торган XIII Бөтенроссия авыл Сабан туеның абсолют батыры Раил Нургалиев булды.

Баш батыр өчен 100 килограммнан югарырак авырлык үлчәвендәгеләр генә көрәште.
Ул финалда Муса Галләмов белән көрәшеп, аны отты һәм баш батыр дәрәҗәсен яулады.

Баш батырга Татарстан Рәисе Рөстәм Миңнеханов бүләге – «Лада Гранта» автомобилен бүләк иттеләр.

«Көрәш авыр булды. Монда Татарстаныбызның иң алдынгы егетләре җыелган иде. Федераль Сабан туенда өч тапкыр отканмындыр. Бу минем 38 нче машина», – дип сөйләде үзе Раил.

Фәния Лотфуллина