Бушлай психологик консультация аласың килсә

22 нче һәм 23 нче ноябрьдә Татарстанның күпфункцияле үзәкләренең Казандагы биш офисында бушлай психологик консультацияләр үтәчәк. Аларны КФУның психология һәм белем бирү институты студентлары үткәрәчәк, дип хәбәр ителә «Минем документлар» сайтында.
Психологик ярдәмне балага узарга, опекунлык яки уллыкка алуны планлаштырган хатын-кызлар, шулай ук йөкле хатын-кызлар һәм декрет ялындагы әниләргә алу мөмкин.  
Консультацияләр күпфункцияле үзәкләрнең Максимов ур., 1, Достоевский ур., 35/10, Чистай ур., 5, Авангард ур., 74, Җиңү пр., 214 адреслары буенча бүлекләрендә үткәреләчәк. Язылу өчен бу бүлекләргә мөрәҗәгать итәргә яки +7(843)222-06-13 телефоны буенча шалтыратырга мөмкин.

Фәния Лотфуллина

Фото: https://kzn.ru