Мәктәпләрне тәмамлаучыларның күбесе программист һәм табиб булырга тели

Быел унберенче сыйныф укучыларының күбесе IT һәм медицина белән бәйле факультетларга керергә планлаштыра, дип аңлашыла Superjob.ru порталы сораштыруыннан.
Мәгълүмати технологияләр өлкәсен  28 % бала сайлаган, ә табиб булырга теләүләре турында мәктәпне тәмамлаучыларның 13 % ы белдергән.
Билгеләп үтелгәнчә, сораштырылучыларның тагын 9 % ы инженерлык вузларына керергә планлаштыра, ә 4 % ы экономистлар булачагын хәл иткән. 4 %  ы юрист, дизайнер, архитектор һәм тренерга укырга телиләр.