Татар теленнән БДИны сигез укучы сайлаган

Узган ел татар теленнән нибары бер укучы имтихан тоткан булса, быел Балтач районының Норма мәктәбе укучысы Адилә Шәйхетдинованың үрнәген кабатлаучылар саны  сигезгә җитәчәк. Бу хакта Министрлар Кабинетында   Татарстан Республикасы мәгариф һәм фән министры Илсур Һадиуллин  катнашында узган «2023 елда дәүләт йомгаклау аттестациясен уздырудагы үзенчәлекләр» хакында сөйләшү барышында    әйтелде. Соңыннан ачыклык керткәннән соң бу саннар Әгерҗе (Исәнбай), Әлмәт (1нче лицей-интернат), Балтач (Куныр), Норлат (Колбай-Мораса ) районнары  һәм Казанның «Адымнар» полилингваль мәктәбе һәм   180 нче полилингваль  гимназия өлешенә тиюе ачыкланды.

Расиха Фәизова