Татарстан «Рәхмәт, укытучы!» Бөтенроссия акциясенә кушылды

Татарстан яңа уку елына багышланган «Рәхмәт, укытучы!» Бөтенроссия акциясенә кушылды. Чара 17–31 августта Россиянең 79 төбәгендә узачак. Бу хакта «Татар-информ» хәбәр итә.

«Акцияне Россия балалар һәм яшьләр хәрәкәте оештыра. Аның вәкилләре педагогларның традицион август киңәшмәләрендә укытучыларны котлап открыткалар, чәчәкләр тапшырачак һәм мөһим эш башкарганнары өчен рәхмәт белдерәчәк», — диелә хәбәрдә.

Мәгариф һәм фән хезмәткәрләренең республика август киңәшмәсе пленар утырышы 19 августта Яшел Үзәндә узачак.

Татарстаннан тыш, «Рәхмәт, укытучы!» акциясе Алтай, Төньяк Осетия-Алания, Коми, Калмыкия, Адыгей, Хакасия, Саха (Якутия), Дагстан, Кырым, Марий Эл, Мордовия, Тува (Тыва), Карелия, Удмуртия, Чечня, Чувашия, Карачай-Черкас республикаларында да узачак.

Акцияне Мәскәү һәм Санкт-Петербургта, Алтай, Ставрополь, Хабаровск, Приморье, Байкал аръягы, Красноярск, Краснодар, Пермь крайларында һәм Россиянең башка төбәкләрендә дә хупладылар.

Добавить комментарий

Ваш адрес email не будет опубликован.