Яңа ел ялларында Мәскәү һәм Санкт-Петербургка өстәмә поездлар йөреячәк

Яңа ел ялларында Казаннан Мәскәү һәм Санкт-Петербургка кадәр өстәмә поездлар йөреячәк, дип хәбәр итә «Россия тимер юллары» ААҖ матбугат хезмәте.
Өстәмә поездларга билетлар акрынлап сатуга чыгачак. Аларны тимер юл кассаларында, вокзалларда үз-үзеңә хезмәт күрсәтү терминалларында, «Россия тимер юллары» ААҖ рәсми сайтында һәм «Россия тимер юллары – пассажирларга» мобиль кушымтасы ярдәмендә сатып алырга мөмкин.
Составлар 23 декабрьдән 9 гыйнварга кадәр йөреячәк.

Фәния Лотфуллина