Туфан Миңнуллин истәлегенә багышланган конференциясендә катнашачак 50 укытучы һәм укучылар исемлеге билгеле

Күренекле язучы истәлегенә багышланган укытучыларның һәм укучыларның V республика конференциясендә чыгыш ясаячак катнашучылар исемлеге билгеле булды. 

Күренекле татар драматургы Туфан Миңнуллин исемендәге конференция 26-27 мартта Казанда узачак. Катнашачак 50 укучы һәм укытучылар исемлеге Казанның 12 нче гимназиясы сайтында урнаштырылган.

Чара татар әдәбиятын, мәдәниятен, сәнгатен һәм Туфан Габдулла улы Миңнуллинның иҗади мирасын, киңрәк өйрәнү һәм популярлаштыру максатыннан үткәрелә. Конференциядә 5-11 сыйныф укучылары һәм укытучылар катнаша ала. Аларның фәнни-гамәли һәм иҗади эшләре һәр номинациядә яшь категорияләре буенча кабул ителә (5-7 сыйныфлар, 8-9 сыйныфлар, 10-11 сыйныфлар).