Буада Сергей Безруковны көтәләр

Буа шәһәрендә «Буа: диалог киңлегендә» халыкара театр фестивале узачак. Бу хакта матбугат конференциясендә Буа дәүләт драма театры сәнгать җитәкчесе-директоры, Татарстанның атказанган артисты Раил Садриев хәбәр итте.

«Фестивальнең рәсми ачылышы 20 май көнне сәгать 14.00 дә булачак», - дип белдерде ул. Бу чарада Азәрбайҗан, Казахстан, Швейцария һәм, әлбәттә инде, Россиядән иң яхшы  23 театр коллективы катнашачак.  Татарстаннан Казан, Әлмәт, Түбән Кама, Буа театрлары һ.б. үз спектакльләрен күрсәтәчәк. «Фестивальне Сергей Безруковның «Маленький принц» спектакле белән ябачакбыз», - дип белдерде Раил Садриев.  Спектакль 24 май көнне күрсәтеләчәк.

Оештыручылар фестивальдә катнашучы һәр коллективка бик үзенчәлекле истәлекле бүләк әзерли. Журналистларга да әлеге эшләнмәләрне тәкъдим иттеләр.