Дәүләт телләрен һәм туган телләрне укыту принциплары темасына конференция узды

Татарстан Фәннәр академиясенең Ш. Мәрҗәни исемендәге тарих институтының Х.Фәезханов исемендәге Милли мәгариф тарихы һәм теориясе үзәгендә «РФ мәгариф системасында республикаларның дәүләт телләрен һәм туган телләрне укыту принциплары» темасына төбәкара фәнни-гамәли конференция узды.

Туган телләрдәге мәгарифнең норматив-хокукый нигезләре, төбәк телләрдәге мәгариф һәм биллингваль программаларының тәҗрибәсе, дәүләт телләрен укытуның бүгенге халәте һәм перспективаларын ачыклауны максат итеп куйган конференциядә галимнәр, югары уку йортлары укытучылары һәм экспертлар катнашты.

Биредә РФ мәгариф системасында туган телләрне саклау проблемалары, укытуның билинваль программалары һәм башка актуаль мәсьәләләр күтәрелде.