Мөршидә КЫЯМОВА автор яңалыклары
-
Хатларда – Такташ күңеле
Һади Такташ үз чорының шактый кәттә шагыйре булган. Гаилә төшенчәсенә дә аның карашы яшь совет заманында формалашкан. Ә инде өйләнеп, гаилә мәшәкатьләренә чумгач, сары чәчле, зәңгәр күзле ир-атның фикере үзгәрә. Бу аның иҗатында да ачык чагылыш тапкан... Такташ ике тапкыр өйләнгән. Беренче хатыны – Гөлчәһрә Хәмзина. Чыгышы белән хәзерге Алексеевск районының Коры Көрнәле авылыннан. Икенчесе – Гөлчәһрә Мансурова. (Кайбер чыганакларда аны «Гөлчирә» дип язалар.) Журнал укучыларына Такташның хатыннарына язган хатларыннан өзекләр китерәбез. Шушы хатларда яраткан шагыйребезнең ир-ат, ата кеше буларак шәхесе ачыла. Беренче никахтан туган Рафаилне күпмедер вакыт ялгыз башы тәрбияләве, хатынына юллаган сәламнәре дә бар ул хатларда. Икенче хатыны Гөлчәһрә аңа шулай ук ир бала − Аванны бүләк итә. Әмма татар шагыйренә гаилә бәхете, гомумән, иҗат итеп озак еллар яшәү насыйп булмаган. Шушы кыска фани гомерендә шагыйрь гаилә башлыгы буларак үз вазифасын ничек башкарган? Сакланып калган хатларда – ярсу һәм ихлас хисләр...
-
Татарстанда 2200 дән артык кешегә ярдәм күрсәтелде
Татарстанда ел саен үткәрелә торган «Рамазан – изге гамәлләр ае» хәйрия марафоны тәмамланды. Әлеге акция Татарстан Диния нәзарәте тарафыннан Рамазан аеның беренче көненнән үк игълан ителгән иде. Нәтиҗәдә «Зәкят» хәйрия фонды аның кысаларында 2288 кешегә ярдәм күрсәтте, дип хәбәр итә Татарстан Диния нәзарәтенең матбугат үзәге.
-
Журналыбызда өр-яңа рубрика!
“Нәселем силсиләсе” – “Гаилә һәм мәктәп” журналының өр-яңа рубрикасы. Журналның апрель санында сәхифәнең беренче язмасы дөнья күрәчәк. Биредә данлыклы татар шәхесләренең дәвамчылары үз гаилә тарихлары турында бәян итә. Иң мөһиме, шул гаилә эчендәге мөнәсәбәтләр татар халкының мәкальләре җирлегендә ачыклана, буыннар чылбырының акыл хәзинәсе халык тәгъбирләренә «төреп бирелә». Беренче каһарманыбыз – халык язучысы Нурихан Фәттахның оныгы Зөләйха Камалова.
-
Фән халыкка аңлаешлы булсын!
Татарстан Фәннәр академиясенең Галимҗан Ибраһимов исемендәге Тел, әдәбият һәм сәнгать институты 85 еллыгын бәйрәм итә. Әлеге җәһәттән журналыбызның туры эфирда уза торган «Туфан самавыры» проектында кунакта институтның директоры, филология фәннәре кандидаты Илгиз Илдар улы Халиков булып китте. Аның кайбер фикерләрен тәкъдим итәбез.
-
Кече Шырданда – Насыйри Сабан туе
Каюм Насыйри 200 еллыгына багышланган чараларның иң зурысы олуг мәгърифәтченең туган авылы – Кече Шырданда узачак. 12 июльдә Насыйри туган авылында Насыйри Сабан туе бәйрәме оештырыла, нәкъ менә бу көнне фикер иясенең юбилеен да зурлап билгеләп үтәргә җыеналар.
-
«Минем Россиям: музыкаль сәяхәт» фестивале Казанда
Казанда Россиянең атказанган артисты Оксана Федорова «Минем Россия: музыкаль сәяхәт» Бөтенроссия фестивален тәкъдим итә. 19–21 мартында Казанда «Минем Россиям: музыкаль сәяхәт» Бөтенроссия фестивале уза, ул Президентның Мәдәни инициативалар фонды ярдәмендә Оксана Федорова фонды тарафыннан гамәлгә ашырыла. Проект милли мәдәни мирасны популярлаштыруга һәм классик музыка өлкәсендә яшь талантларга ярдәм итүгә юнәлдерелгән.
-
Казанда “Нәүрүз” бәйрәме
Казанда 22 март көнне төрки һәм иран халыкларының «Нәүрүз» республика бәйрәме була. Азәрбайҗаннар, әфганлылар, башкортлар, дагстанлылар, иранлылар, казахлар, кыргызлар, таҗиклар, татарлар, төрекләр, төрекмәннәр, үзбәкләр, тувалылар, бурятлар һәм башка халыклар бер мәйданчыкта үз халыкларының мәдәниятләрен һәм гореф-гадәтләрен күрсәтәчәк.
-
Татар каһарманы язмышы китапта...
Җәһәннәм утында гомере өзелгән татар каһарманы китап булып арабызга кайтты. Бүген «Татмедиа»да язучы, «Мәгариф», «Гаилә һәм мәктәп» журналларының баш мөхәррире Гөлүсә Закирова «Энекәш» китабын тәкъдир итте («Казан утлары» китапханәсе сериясенең 28 нче басмасы).
-
Рамазан – изге гамәлләр ае
“Ният” фонды мохтаҗ кешеләргә, тол хатыннарга һәм ятимнәргә ярдәм күрсәтә. Шулай ук ислам үзәкләрен төзүдә һәм реконструкцияләүдә булышлык итә. Биредә эшләүче егетләр беравыздан изге эшләр иң яхшы инвестиция дип саный.
-
Миләүшә Хәйруллина яңа программа тәкъдим итә
Композитор Миләүшә Хәйруллина музыка сәнгатен сөючеләргә үз концертын тәкъдим итәргә әзерләнә. С.Сәйдәшев исемендәге Зур концерт залында 5 апрельдә узачак “Кызыл юлдан” дип исемләнгән проект ТР Дәүләт академия симфоник оркестры катнашында узачак.
-
Яшүсмерләр язгы музей практикасында
Татарстанның Милли музее Казан дәүләт мәдәният институты белән берлектә 14-18 яшьлек яшүсмерләр өчен практикум оештыра.
-
Апанай мәдрәсәсендә Гаяз Исхакый күргәзмәсе эшли
Апанай мәчете - Казанның иң күркәм һәм бай тарихлы гыйбадәт йортыларының берсе. Әби патша боерыгы буенча төзелгән таш мәчет үзенең 255 еллыгын билгеләп уза.
-
Ят балалар
Илдус Лотфуллин, табиб-педиатр, медицина фәннәре кандидаты, доцент
-
13 нче республикакүләм ифтарга 13 мең кеше киләчәк
Казанда 19 мартта «Казан Экспо» халыкара күргәзмәләр үзәге мәйданчыгында 13 нче республикакүләм ифтар узачак. Быел дини мәҗлескә 13 000 кеше җыелыр дип көтелә.
-
Республика ифтарында күргәзмә
19 мартта «Казан Экспо» Халыкара күргәзмә үзәге дә Татарстан Республикасы Милли музее ел саен үткәрелә торган республика ифтар кысаларында «Батырлык гасырларда калачак...» күргәзмәсен оештыра.
ТӘКЪДИМ ИТӘБЕЗ
