Балалар ялы өчен җаваплы оешмаларны лицензияләячәкләр

Россиянең Федерация Советы балалар ялын имин итү турында закон проекты әзерләгән. Тиздән аны Дәүләт Думасына да тәкъдим итмәкчеләр.

Закон проекты авторлары, балалар ялы өчен җаваплы оешмаларны лицензияләргә кирәк, дигән фикердә. Моннан тыш, алар турындагы мәгълүматның бөтен кеше карый алырдай реестрын булдырачаклар. Федерация Советы спикеры Валентина Матвиенко сүзләренә караганда, документ ел ахырына кадәр кабул ителергә тиеш.