Лев Толстой исемендәге VIII Бөтенроссия фәнни конференция-конкурсына йомгак ясалды
Быел конференциягә Россиянең 24 төбәгеннән 377 эш килгән.
Лев Толстой исемендәге укучылар конференциясендә катнашучыларның саны елдан-ел арта. Һәм бу очраклы гына түгел. Конференциянең максаты – гомуми белем бирү оешмаларының 8–11 нче сыйныф укучыларын һәм урта һөнәри белем бирү учреждениеләренең 14 яшьтән 18 яшькә кадәрге студентларын Филология һәм мәдәният өлкәсендә тикшеренү һәм проект эшчәнлегенә җәлеп итү. Һәм бу, әлбәттә, үзеңне фән өлкәсендә күрсәтүнең, эшчәнлекнең билгеле бер юнәлешләрендә сәләтләреңне ачыклауның менә дигән ысулы.
Беренче тапкыр әлеге конференция 2017 елда үткәрелде. Һәм ул чагында ук инде 170 ләп укучы катнашкан иде.
Быел конференциягә Россиянең 24 төбәгеннән: Татарстан, Башкортстан, Мордовия, Чувашия, Марий Эл республикалары, Ханти-Манси автономияле округы, Краснодар, Ставрополь, Алтай, Владимир, Кострома, Мәскәү, Оренбург, Самара, Чиләбе һәм башка өлкәләрдән 377 эш килгән.
2024 елның 28 октябреннән 18 ноябренә кадәр тәкъдим ителгән барлык эшләр КФУның Филология һәм мәдәниятара багланышлар институты эксперт советлары тарафыннан каралды. Сайлап алу этабында тикшеренү эшләрен бәяләгәндә куелган бурычның актуальлегенә, тикшеренү методларының оригинальлегенә, белемнәрне мәктәп программасыннан тыш куллануга, мөстәкыйльлек дәрәҗәсенә игътибар бирелде.
7 декабрьдә узган йомгаклау турында 16 секция утырышында 236 доклад тыңланды. Экспертлар докладларны әзерләүнең югары дәрәҗәсен һәм тәкъдим ителгән докладларның тематикасының киңлеген, тикшеренүләрнең кызыклы аспектларын билгеләп үттеләр. Биредә әдәби әсәрләрнең тел үзенчәлекләре дә, өйрәнү һәм тәрҗемә итүнең актуаль мәсьәләләре дә, аерым алганда, әсәрләрне тәрҗемә итү, фразеология, неологизмнар, сленг өлкәсендәге тикшеренүләр дә өйрәнелгән. Секцияләр эше барышында илне өйрәнү характерындагы докладлар да, телләрне чагыштыру белән бәйле докладлар да тәкъдим ителде.
Нәтиҗә буларак, конференциядә призерлар һәм җиңүчеләр саны артты. Узган ел алар 126 булса, быел җиңүчеләр һәм призерлар дипломнары тантаналы рәвештә 158 катнашучыга тапшырылды.
2025 елда КФУга бакалавриат программалары буенча укырга кабул ителгәндә конференциядә җиңүчеләргә һәм призерларга индивидуаль казанышлары өчен өстәмә баллар биреләчәк.
Фото: ifmk.kpfu.ru
Язмага реакция белдерегез
Вход на сайт
«Демография» милли проекты ярдәмендә Татарстан балалар бакчаларында 15,7 мең урын булдырылган
Моннан тыш, әлеге проект ярдәмендә республикада 67 балалар бакчасы төзү, гамәлдәге 75 мәктәпкәчә белем бирү учреждениесендә төркемнәрне яңадан профильләү нәтиҗәсендә 3 яшькә кадәр 8 790 балага урын булдырылган. Бу хакта түгәрәк өстәл утырышында Татарстан мәгариф һәм фән министры Илсур Һадиуллин хәбәр итте.
Министр әйтүенчә, 2019–2024 елларда «Мәгариф» милли проекты кысаларында узучы чараларга 26 миллиард сум бүлеп бирелгән.
«Гомуми белем бирү даирәсендә сыйфатлы белем бирү — төп бурычыбыз. Республика мәктәпләрен тәмамлаучылар барлык фәннәрдән дә югары нәтиҗәгә ирешүләре белән аерылып тора. 2024 елгы БДИ нәтиҗәләре буенча, 366 укучы имтиханнарда йөз балл җыйган, алар арасыннан 20 бала берьюлы ике фәннән шундый ук югары балл алуга ирешкән. 244 мәктәп укучысы Бөтенроссия олимпиадаларында җиңүче һәм призер исемен алган», ‒ дип билгеләп үтте Илсур Һадиуллин.
Министрлыктан алынган мәгълүматларга караганда, республикада кадрларны үстерү буенча куәтле эш бара. Бүгенге көндә хезмәт базарында көндәшлеккә сәләтле эшче кадрларны әзерли торган 49 үзәк, 14 укыту-җитештерү һәм белем бирү кластерлары эшләп килә.
«Профессионалитет» федераль проектында 16 Татарстан оешмасы җиңү яулаган. 11 оешма нигезендә мәгариф-җитештерү кластерлары эшләп килә, аларда эре оешмалар өчен махсус кадрлар әзерлиләр. Ел саен Татарстанның җыелма командасы һөнәри осталык буенча «Профессионаллар» һәм «Абилимпикс» милли чемпионатларында алдынгы урыннар яулый. 2023 ел нәтиҗәләре буенча Татарстан регионнарның фәнни-технологик үсеше буенча Милли рейтингында 3 нче урынны алып тора.
Следите за самым важным и интересным в Telegram-каналеТатмедиа
Яңалыклар битенә керегез
ТӘКЪДИМ ИТӘБЕЗ
Комментарийлар