«Тукай»га да Украина тарафына очу тыела

Бу көнгә чаклы  Габдулла Тукай исемендәге «Казан» һәм Николай Лемаев исемендәге  «Бегиш» халыкара  аэропортларыннан  көньяк тарафка самолетлар даими очып торды. Әмма Украина белән Россия арасында соңгы вакытларда хәлләрнең кискенләшүен исәпкә алып, 24 февральдән 2 мартка кадәр һава юллары ябыла. Бу беренче чиратта Симферополь, Краснодар, Анапа, Геленджик, Элеста, Ставрополь, Белгород, Брянск, Курск, Воронеж калаларына оча торган  самолетларны ялга туктатып тору дигән сүз.
Очкычлар белән беррәттән аэропортлар эшчәнлегенә дә үзгәрешләр кертелә, шул сәбәпле, һава юлларыннан файдаланучыларга үз сәфәрләрен алдан көйләп куярга киңәш ителә.

                                                         Альберт ЗАҺИРОВ