Ак төстәге төсле кәбестә

Әлеге яшелчә җиңел үзләштерелә, шуңа күрә ашказаны авыртып интегүчеләр өчен менә дигән табыш ул. Биредә кеше организмы өчен кирәкле булган витаминнар һәм минераллар: калий, бакыр, марганец, тимер, селен, фтор, фосфор, аминокислоталар (аргинин, лизин), азот микроэлементлары, В, С, А, РР, К группалары витаминнары, фолий һәм пантотен кислотасы бар. 

Төсле кәбестә белән аш
Кирәкле әйберләр
2 литр су
500 г бәрәңге
1 суган
1 кишер
200 г төсле кәбестә
100 г шампиньон
100 каймаклы эретелгән сыр
1 аш кашыгы атланмай
1 аш кашыгы үсемлек мае
тоз
борыч 

Эш барышы: 
Тозлы суы кайнап чыккан кәстрүлгә башта чистартылган һәм вак итеп шакмаклап туралган бәрәңгене салабыз.
Суганны – шакмаклап, кишерне – озынча итеп, гөмбәне пластинкалап турыйбыз, кәбестәнең укмаш чәчәкләрен дә әзрәк ваклыйбыз да атланмай эреткән табага озатабыз. Аз гына кызарганчы тотабыз. 
Шул вакытта әзер бәрәңгене бераз изәбез, ә сырны шакмаклап турыйбыз. 
Яшелчәләрне бәрәңге янына салабыз, кайнар хәлгә җиткәч, сыр өстибез.
Тыныч утта сырның эрегәнен көтәбез. Тәменә карап тоз һәм борыч өстибез. Уттан алып, 15–20 минут торганнан соң, тәлинкәләргә бүләбез. 

Материал, фото: Эльдар Хәйруллин