«Ак чәчәкләр» бульварында математикадан бушлай дәресләр 

Казан мэриясе хәбәр итүенчә, 24 сентябрьдә «Ак чәчәкләр» бульварындагы паркның иҗади остаханәсендә математика буенча түләүсез дәресләр узачак. Дәресләрне математика укытучысы, төп дәүләт имтиханнарына һәм БДИга әзерлек буенча белгеч Розалия Әхмәтшина үткәрәчәк.
Бу көнне 15.00 дән 15.50 гә кадәр 10 нчы һәм 11 нче сыйныф укучылары «Рациональ һәм иррациональ тигезләмәләрне чишү» темасына дәрес тыңлый алачак, ә 16.00 дән 16.50 гә кадәр турыпочмаклы өчпочмакны чишү буенча дәресләр булачак. 
17.00 сәгатьтә 8 нче һәм 9 нчы сыйныф укучылары өчен дәресләр башлана. Укучылар 17:50 гә кадәр өлешләрне, ә 18:00 дән 18:50 гә кадәр гомуми төрдәге өчпочмакларны өйрәнәчәк.
Дәресләрдә катнашу өчен +7 (937) 004-99-42 телефоны буенча алдан язылу кирәк.

Фәния Лотфуллина