Алексей Зиновьев: «Өстәмә белем – мәктәп бирә алмый торган күнекмә»

Өстәмә белем укучыларга мәктәп бирә алмый торган күнекмә һәм осталык алырга мөмкинлек бирә.

Республиканың мәктәптән тыш эшләр үзәге җитәкчесе Алексей Зиновьев «Татарстанда балалар һәм үсмерләргә өстәмә белем бирүне оештыру» темасына багышланган туры эфир барышында шул фикерне әйтте.  

«Өстәмә белем — мәктәп бирә алмаган осталыкларны төзекләндереп бетерә, чөнки мәктәп төп уку процессын көйләп бара», — ди белгеч.

Спикер сүзләренчә, өстәмә белем алты юнәлешне үз эченә ала, шул исәптән техник, табигый-фәнни һәм социаль-гуманитар юнәлеш.

«Мисал өчен, робототехника өлкәсендә алырга мөмкин булган белемнәрне мәктәп, кызганычка каршы, бирми. Бу мәктәпнең миссиясе дә түгел. Ә өстәмә белем — укучы хезмәт базарына чыкканда кирәкле компетенцияләрне формалаштыру һәм шомарту өчен чиксез ресурс», — ди ул.

Чыганак: Татар-информ

 

Добавить комментарий

Ваш адрес email не будет опубликован.