Аномаль эсселек кайта

Дүшәмбе, 2 августта, Татарстанда алмашынучан болытлы, явым-төшемсез һава торышы көтелә.
Көньяк-көнбатыштан талгын җил, дип хәбәр ителә ТР Гидрометеорология үзәге сайтында. Көндез һава температурасы +29 градусны тәшкил итә. Казанда синоптиклар +28дән +30 градуска кадәр, Чаллыда - +29 °дан +33°га кадәр эсселек булачагын вәгъдә итә. ТР Гидрометеорология үзәге фаразлары буенча, Татарстанга аномаль эссе һава торышы кайта. Бу атнада синоптиклар +37 градуска кадәр эссе булачагын кисәтә. Республикада эсселек аркасында 2 августтан 5 августка кадәр урманнарның янгын куркынычы югары булу сәбәпле, шторм кисәтүе игълан ителде.

Таңсылу ГАБИДУЛЛИНА