Балаларга онлайн-кинотеатрларда рекомендацияләрне тыярга мөмкиннәр

10 ноября 2021 Мәгариф

Дәүләт Думасы онлайн-кинотеатрларда һәм социаль челтәрләрдә балаларга рекомендацияләрне тыя торган закон проектын әзерли.
Җәмәгать эшлеклеләре 14 яшькә кадәр булган яшүсмерләр өчен рекламаны барлык мәйданчыкларда да тыярга чакыра, дип хәбәр итә РБК.
«Бердәм Россия» дән Дәүләт Думасы депутаты һәм мәгълүмати сәясәт, мәгълүмати технологияләр һәм элемтә комитеты рәисе урынбасары Антон Горелкин фикеренчә, онлайн-кинотеатрларның һәм стриминг сервисларының балалар профильләрендә тәкъдим итү алгоритмнары һәм рекламасы чикләнергә тиеш.
Депутат сүзләренә караганда тиешле закон проекты Дәүләт Думасында инде тикшерелә һәм ел ахырына кадәр кертеләчәк.