Кирәкле әйберләр:
— 5 кг помидор
— 1 кг кишер
— 1 кгалма
— 1 кг татлы борыч
— 300 г ачы кызыл борыч
— 300 гсарымсак
— 500 мл көнбагыш мае
— 1 стаканшикәр комы
— ¾ стакан тоз
— 9% лы 0,5 л аш серкәсе
Эш тәртибе:
Ачы борыч һәм сарымсактан кала барлык яшелчәләрне иттарткыч аша чыгарабыз дауртача утта 1,5 сәгать кайнатабыз. Шуннан соң тоз, шикәр комы, май һәм аш серкәсен өстибез һәм кабат 1-1,5 сәгать пешерәбез. Иттарткычтан чыгарылган сарымсак белән әче борычны салып, тагын 10 минут кайнатып алабыз. Стерильләштерелгән банкаларга кайнар килеш тутырып, капкачын каплап куябыз.
