Казанда Яшьләр көнендә нинди чаралар үтәчәк?

21 июня 2021 Мәгариф

Казанда 27 июньдә Яшьләр көне үтәчәк. Бәйрәм чаралары шәһәрнең алты мәйданчыгында узачак: «Урам» экстрим-паркында, Горький, «Черек күл» паркында, Горки -Әмәт урманында, Кабан күле яр буенда һәм «Ак Барс Арена» да.
«Урам» да экскурсия форматында яңа ябык комплекс презентациясен карарга мөмкин булачак. 12.00 дән 22.00 гә кадәр анда бию баттллары, скейт-контестлар, памп-трек буенча ярышлар һ. б. узачак.
Горький исемендәге паркта00 дән 17.00 гә кадәр балалар активлык зоналары һәм мастер-класслар һәм яшь ата-аналар психологиясе турында лекторий белән гаилә пикнигы оештырылачак. Кунаклар өчен шулай ук мастер-класслар, фотосессияләр, диджейлар һәм cover-төркемнәр чыгышлары тәкъдим ителәчәк.
Кабан күле яр буенда 17.00 сәгатьтән 20.00 сәгатькә кадәр җәйге шигъри слэм планлаштырылган. Аның җиңүчеләрен тавыш бирү юлы белән сайлаячаклар, дип хәбәр итә ТР Яшьләр эшләре буенча министрлыгының Матбугат хезмәте.«Черек күл» паркында TikTok һәм YouTube контентларын этәрү буенча мастер-класслар һәм белем фестивале үтәчәк. Монда үсеш чорында барлыкка килгән проблемалар күтәреләчәк. Галимнәр белән бергә чарада катнашучылар буллинг һәм үзгәрешләрне психологик яктан кабул итү турында фикер алыша алачаклар.