«Моңлы саз чыңнары» бәйгесенең вакыты озайтылды

Күпсанлы сораулар буенча Габдулла Тукай иҗатына багышланган «Моңлы саз чыңнары» конкурсына эшләр кабул итү вакыты 20 апрельгә кадәр озайтылды. 

Быел бөек татар шагыйре Габдулла Тукайның тормыш юлына һәм иҗатына багышланган, сыйныфтан тыш чаралар сценарийлары һәм дәрес эшкәртмәләре, Г.Тукайның сирәк яңгырый торган шигырьләрен сәнгатьле итеп сөйләгән видеоязмалар конкурсы Арча муниципаль районы хакимияте белән берлектә уздырыла. 

Конкурста Татарстан һәм Россия төбәкләрендә эшләүче мәктәпкәчә, башлангыч, төп һәм урта гомуми, өстәмә һөнәри белем бирү оешмаларының педагогик хезмәткәрләре, балалар бакчаларында тәрбияләнүчеләр һәм мәктәп укучылары катнаша ала.

Язмалар «Мәгариф» һәм «Гаилә һәм мәктәп» журналларының электрон почтасына (e-mail: [email protected], [email protected] ) 20  апрельгә кадәр кабул ителә. Хатта «Моңлы саз чыңнары» конкурсына дип язарга кирәк.

Конкурс өчен эшләр, анкета һәм журналга язылу турындагы квитанцияне бер хатта җибәрүегез сорала.

Конкурста җиңүчеләргә акчалата бүләкләр, «Мәгариф», «Гаилә һәм мәктәп» журналлары баш мөхәррирләреннән махсус призлар тапшырылачак.

Нигезләмә magarif-uku.ru сайтында урнаштырылды.

 

 

Добавить комментарий

Ваш адрес email не будет опубликован.