Сабан туйлары датасы билгеле

Татарстан Республикасы Президенты Рөстәм Миңнеханов республикада Сабан туе бәйрәмен үткәрү буенча указны имзалады.
Указ нигезендә Татарстанның авыл торак пунктларында һәм район үзәкләрендә, шул исәптән республика әһәмиятендәге шәһәрләрдә, бәйрәм 12-13 июньдә, Яр Чаллы шәһәрендә 19 июньдә үтәчәк. Ә Казанда 26 июньдә узачак.
Әлбәттә, коронавирус инфекциясе таралу куркынычы турында да онытмаска кирәк. Шул сәбәпле, бәйрәм чаралары республика территориясендә билгеләнгән санитар-эпидемиологик чараларын үтәп оештырылачак.

Диләрә БАТРШИНА

Ш. АБДЮШЕВ фотосы