Җан тынычлыгы баштагы уйларга бәйле. Сезнең тормыш вакыйгалары проблема түгел, ә проблема булып сезнең тормышыгызның барышы турында ничек уйлавыгыз тора. (Шәрык әйтеме)
***
Сезнең кимчелекләрегезне күрсәтеп торучы – дошман түгел, ә сезнең яхшылыкларыгыз турында даими әйтеп торучы һәрвакытта да сезнең дустыгыз булмый. (Кытай әйтеме)
***
Синең күзеңне ачучының авызын япма. Аягыңда нык тора башлагач, сине кулында күтәреп йөрүчене онытма. (Шәрык әйтеме)
***
Адәм баласы шундый үзенчәлекле: байлыгын югалткач, ул кайгыра, ә көненең бушка узуы турында уйламый да. (Шәрык әйтеме)
***
Башка кешегә төбәп аткан угың, Җир шарын урап чыгып аркаңа кадалачак. (Шәрык әйтеме)
***
Берәр кеше күңелеңдә калсын дисәң, аңа битараф булма. (Америка язучысы, философы Ричард Бах)
***
Кешенең акылы турында аның җаваплары түгел, биргән сораулары сөйли. (Француз сәясәтчесе Гастон де Левис)
***
Юләр хисенә, ә акыллы акылына таяна. (Нидерланд философы Эразм Роттердамский)
***
Кем бала чагында ялкау үскән – картайгач, ярлы була – онытма! (Шәрык әйтеме)
***
Тормышыгызның 10 проценты сезнең нәрсә эшләвегездән тора, ә 90 проценты гомумән тормышны ничек кабул итүегездән. (Инглиз язучысы Сомерсет Моэм)
***
Кешене тыныч кына гафу итәргә кирәк, алай булмаса – нинди кичерү инде ул?! (Француз язучысы Андре Моруа)
***
Кайберәүләр үзләренең бәхетле яшәүләре турында белмиләр дә. (Француз фәлсәфәчесе Люк де Вовенарг)
***
Хатын-кыз үзенең фикере башка ирнең фикере белән туры килгәндә ул ирне акыллыга саный, әмма үз ирен түгел. (Шәрык әйтеме)
***
Кеше бернәрсә дә белми икән, һәрнәрсәгә дә ышана. (Австрия язучысы Мария Эбнер-Эшенбах)
***
Арысланнар тыныч булса да, алардан куркалар, этләр һау-һау өреп торсалар да, аларны таш атып куалар.( Шәрык әйтеме)
***
Акыллы булырга теләсәң – әйбәтләп сорарга, игътибар белән тыңларга, тыныч кына җавап бирергә һәм кирәкмәгәнгә сөйләмәскә өйрән. (Шәрык әйтеме)
***
Әгәр үзегезне хөрмәт итүләрен теләсәгез, башкаларны хөрмәтләгез. (Шәрык әйтеме)
***
Кешенең максатлары арткан саен, ул үсә тора. (Немец шагыйре Фридрих Шиллер)
***
Ярлының хыялы искитмәле бай. (Америка язучысы Вашингтон Ирвинг)
***
Һәр хатын-кыз – асылы белән фетнәче, иң мөһиме: ул үзенә каршы фетнә ясый. (Ирландия язучысы һәм шагыйре Оскар Уайльд)
***
Башка халыкка карата гадел булмасагыз, үз халкыгызга хезмәт итмәгез. (Немец язучысы Людвиг Берне)
***
Мактау белән генә хатын-кызны җиңеп булмый, ә ир-атны җиңеп була. Аның аермасы шунда. (Ирландия язучысы һәм шагыйре Оскар Уайльд)
***
Ирнең хатынына мөнәсәбәтен философиянең поэзиягә мөнәсәбәте белән чагыштырып була. (Немец шагыйре Моисей Сафир)
***
Сәүдә – алдау мәктәбе. (Француз философы Люк де Вовенарг)
***
Кеше бәхетле булганда яхшы күренә. Әмма һәр яхшы кеше бәхетле булмый. (Ирландия язучысы һәм шагыйре Оскар Уайльд)
***
Хәтта акыл иясе дә кырмыска оясына утырырга мөмкин, ләкин юләрләр аннан тиз торып китә белми. (Америка язучысы Джеймс Купер)
***
Стаканым зур булмаса да, мин үз стаканымнан эчәм. (Француз язучысы һәм шагыйре Альфред де Мюссе)
***
Тугыз әйберне яшереп тотарга кирәк: яшеңне, байлыгыңны, өйдәге ярыкларны, дога кылуны, нинди дарулар куллануыңны, мәхәббәт элемтәләреңне, бүләкләреңне, хөрмәтләүләреңне һәм намуссызлыгыңны. (Шәрык әйтеме)
***
Бу дөньяда рухи байлыгыңны гына хакыйкать дип сана, аның бәясе беркайчан да кимеми. (Фарсы шагыйре, фәлсәфәче Гомәр Хәйям)
***
Ир-хатын арасындагы ызгышта, гадәттә, тынычлыкның кадерен белмәүче җиңеп чыга. (Француз язучысы, биолог Жак Ростон)
***
Хатын-кызларны буйсындыруның ике төрле ысулы бар, ләкин аларны берәү дә белми. (Америка язучысы, карикатурачы Фрэнк Хаббард)
***
Әгәр башка кеше галимлеге белән галим булып булса, башка кеше зирәклеге белән зирәк булып булмый. (Француз язучысы, философы Мишель де Монтень)
***
Кешенең яше – елга кебек: хатын-кызлар утыз елдан соң ул елганың кирегә агуын тели. (Француз язучысы һәм шагыйре Адриан Декурсель)
***
Оптимизмнан да юләррәк пессимизм гына булырга мөмкин. (Француз драматургы, адвокат Тристан Бернар)
***
Үзләренең ярлыларына мөнәсәбәт аша ошбу милләтнең алга китешен аңлап була. (Инглиз шагыйре, тәнкыйтьче Сэмюэл Джонсон)
***
Тырышып, югары белем алып, юләр галим булырга мөмкин, әмма аның юләрлеге бетмәячәк. (Француз язучысы Пьер Бошен)
***
Дөньяда хатын-кызлар аңламаган өч нәрсә бар: Ирек, Тигезлек һәм Туганлык. (Шәрык әйтеме)
***
Кешеләрнең киңәшләрен тамчылап алабыз, ә башкаларга чиләкләп өләшәбез. (Кытай философы Конфуций)
***
Бәхет ишегенә ачкыч кирәкми, ул һәрвакыт ачык. (Католик чиркәү эшлеклесе Мать Тереза)
***
Без беркайчан да яшәмибез, яшәрбез әле дип өметләнәбез генә. (Француз философы, шагыйрь Вольтер)
***
Алданган ир кеше һәр җирдә алданган ирләрне күрә. (Француз язучысы һәм шагыйре Марсель Пруст)
***
Кем беләндер бергә көлгәнне онытырга мөмкин, әмма кем беләндер бергә елаганны – беркайчан да. (Шәрык әйтеме)
***
Дөреслек ботинкасын кигәнче, Ялган ярты дөньяны тәпиләп үтәргә мөмкин. (Америка язучысы, җәмәгать эшлеклесе Марк Твен)
***
Кайберәүләрнең күңелен күрер өчен алар янында утырып, сөйләгәннәрен тыңларга кирәк. (Америка язучысы, карикатурачы Фрэнк Хаббард)
***
Карак кайда яхшы нәрсә күрсә, шуны ала, әмма андый әйбер аңарда булмый. (Француз язучысы һәм шагыйре Адриан Декурсель)
***
Хакимият көчлерәк булсын өчен, аны чикләргә кирәк. (Немец язучысы Людвиг Берне)
***
Уйлау сәләте скрипкада яки рояльдә уйнау кебек, һәркөнне шомартырга кирәк. (Инглиз һәм Америка киноактеры Чарльз Чаплин)
***
Тәрбиядәге иң тупас хата – балаларны мөстәкыйль уйларга өйрәтмәү. (Немец драматургы һәм шагыйре Готхольд Лессинг)
***
Капма-каршылык булмаса – тигезлек тә булмый. (Француз язучысы Андре Моруа)
***
Хатын-кызлар үзләренең кыланчыклыгының чиген һич аңламый. (Француз язучысы һәм философы Франсуа де Ларошфуко)
***
Акыл иясе беркайчан да барлык йомыркаларны бер кәрзингә тутырмый. (Испан язучысы Мигель де Сервантес)
***
Көлкегә калам дип тимераякта шуарга өйрәнмисең. Ә тормышның бозлы юлы бик тайгак бит. (Инглиз драматургы Бернард Шоу)
***
Бәхәс акыллыларны һәм юләрләрне тигезли. Юләрләр моны белә. (Америка язучысы, шагыйрь, табиб Оливер Холмс)
***
Кешенең дөрес сөйләвенә ышануы кыен, үзегез аның урынында булсагыз, әлбәттә, ышанмас идегез. (Америка публицисты, тәнкыйтьче Генри Менкен)
***
Тормышта хатын-кызның өч вакыт арасы бар: беренчесендә – ул үз әтисенең нервысында уйный, икенчесендә – иренең, өченчесендә – киявенең. (Француз язучысы Андре Моруа)
***
Үзеннән югарырак торучыга шуышып баручы үзеннән түбәнрәкләрне таптый. (Шәрык әйтеме)
***
Гаилә – иң шәп тәрбия мәктәбе. (Француз философы Альбер Камю)
***
Кайберәүләрнең үз-үзен тотышы бөтенләй аңлаешсыз: утырган килеш бер нәрсә белән килешсәләр, торып баскач – икенчесе белән. (Австрия психоаналитигы Зигмунд Фрейд)
***
Акыллы кешенең көлүе күренеп тора, ә ишетелми. (Немец фәлсәфәчесе Фридрих Ницше)
***
Еллар узу белән шуны аңлыйсың: артыгы белән кешеләргә ачылып китү яхшыга алып бармый. (Латыш язучысы, шагыйрь Аникуан)
***
Кайвакыт үзебез кичергән кешеләрне кочаклыйсы да килми башлый. (Латыш язучысы, шагыйрь Аникуан)
***
Кешеләрне бервакытта да битарафлыкка этәрмәгез, ул аннан кире әйләнеп кайта алмый. (Латыш язучысы, шагыйрь Аникуан)
***
Көтә белгән кешегә барысы да вакытында килә. (Латыш язучысы, шагыйрь Аникуан)
***
Кайбер нәрсәләрдә аз гына булса да дөреслек бар: һәр «Мин шаярам» дигән сүздә белү бар, «Миңа барыбер» дигән сүздә хислек бар, «Барысы да әйбәт» дигән сүздә азрак авырту бар. (Латыш язучысы, шагыйрь Аникуан)
***
Һәр күңелсезләнү кешенең күзләрен ача, ә йөрәген яба. (Латыш язучысы, шагыйрь Аникуан)
***
Һәр нәрсә дә уза, әмма барысы да онытылмый. (Латыш язучысы, шагыйрь Аникуан)
***
Белегез: ниндидер теләгегез тормышка ашмаса, ул кайвакыт сезгә яхшыга дигән сүз. (Латыш язучысы, шагыйрь Аникуан)
***
Сезне һәркайсы үзгәртергә теләгән дөньяда үз-үзегез булып калу бик авыр. (Инглиз театры артисты Бенедикт Камбербетч)
***
Әгәр сезнең өчен хисләрегез җавап бирсә, сез үзегезне югалткансыз дигән сүз. (Латыш язучысы, шагыйрь Аникуан)
***
Ялганнан беркемнең дә үлгәне юк, диләр. Бу фикер хак, әмма җан, дуслык, ышаныч һәм кешелеклелек үлә. (Латыш язучысы, шагыйрь Аникуан)
***
Кешеләр атом бомбасы уйлап тапты. Тик әле бер генә тычканның да тәбе уйлап табу турында уйлап караганы юк. (Латыш язучысы, шагыйрь Аникуан)
***
Эштә үзеңә яхшы мөнәсәбәт булуы турында мактанма, синең урыныңа тиз арада алмаш табачаклар, синең монда эшләгәннәреңне дә онытачаклар. (Латыш язучысы, шагыйрь Аникуан)
***
Үзеңне арыслан, бүре, лачыннар белән чагыштырганчы, үзең чын кеше бул, начарлык кылма. (Латыш язучысы, шагыйрь Аникуан)
***
Синең турында артыңнан һәрвакыт сөйләячәкләр, шуңа күрә ничек телисең, шулай яшә. (Латыш язучысы, шагыйрь Аникуан)
***
Һәр кешегә хөрмәт белән кара, хәтта синең белән тупас мөгамәләдә булучыларга да. Алар да яхшы кешеләр булганга түгел, үзең чын, лаеклы кеше булганың өчен. (Кытай философы Конфуций)
***
Әгәр син үзең белән идарә итә алмыйсың икән, синең белән башкалар идарә итәр. (Латыш язучысы, шагыйрь Аникуан)
***
Тормышыңны яңа, чиста биттән башларга мөмкинсең. Әмма язу рәвешең үзгәрмәячәк. (Бразилия язучысы һәм шагыйре Пауло Коэльо)
***
Тормыш ул – шундый: берәр мөһим эш башкарасы булганда, сезнең башка планнарыгыз килеп чыга. (Латыш язучысы, шагыйрь Аникуан)
***
Сөйләшүнең өч кагыйдәсе бар:
– нәрсә әйтәсеңне уйла;
– уйламаган нәрсәң турында әйтмә;
– уйлаганыңның барысын да әйтеп бетермә. (Латыш язучысы, шагыйрь Аникуан)
***
Үз-үзеңә ышан. Тирә-юньдәгеләрнең фикерләре көн саен үзгәреп тора. (Латыш язучысы, шагыйре Аникуан)
***
Үпкәләүләрегезне онытыгыз, әмма авыр вакытыгызда сезгә ярдәм кулы сузучыларны беркайчан да онытмагыз. (Конфуций)
***
Кешеләргә яхшылык эшләү – беркайчан да искерми торган бердәнбер кием. (Торо Генри Дэвид)
***
Зирәк фикерләрне мәгариф һәм матбугат ветераны Нияз МИҢГАЛИЕВ-БИШБАЛТА туплады
