Үзәк Африка Россия белән хезмәттәшлекне ныгыта

Халыкара «Киләчәкне формалаштырып» форумында Үзәк Африка Республикасы милли мәгариф министры Мөкаддәс Нур үз дәүләтләрендәге мәгариф өлкәсе проблемалары хакында бик тирән чыгыш ясады. Ул бүгенге көндә укытучылар җитмәве һәм укытучылар өчен түләүнең аз булуы турында әйтте.
«Россия белән булган элемтәләр берара өзелеп торды, шуның аркасында бездәге мәгариф системасына шактый зыян килде. Хәзер без бу хатаны төзәтеп, хезмәттәшлекне яңадан торгызабыз. Бүгенге көндә 10 елга мәгарифне үстерү проекты төзелде һәм ул тормышка ашырыла башлады. Мәктәпләрдәге куркынычсызлык мәсьәләсе дә бик кискен тора», – дип белдерде ул үз чыгышында.