Укучылар физика һәм җәмгыять белеме буенча БДИ тапшыра

04 июня 2024 Мәгариф

Бу хакта ТР Мәгариф һәм фән министрлыгының матбугат хезмәте хәбәр итә.

Бүген физика һәм җәмгыять белеме буенча бердәм дәүләт имтиханы уздырыла. Физикадан имтиханны 2141 укучы, җәмгыять белеменнән 5361 укучы тапшыра. Бу көнгә 7502 катнашучы гариза биргән, шул исәптән 112 сәламәтлеге мөмкинлекләре чикләнгән кешеләр.

Гомуми белем бирү оешмалары базасында имтихан үткәрү өчен 65 пункт һәм өйдә имтихан үткәрү өчен 10 пункт оештырылган. Онлайн видеокүзәтү белән 579 аудитория билгеләнгән.

БДИ имтиханнарын үткәрү пунктында 3107 педагогик хезмәткәрнең катнашуы планлаштырыла.

Физика буенча БДИ 3 сәгать 55 минут дәвам итә, җәмгыять белеме буенча – 3 сәгать 30 минут. Сәламәтлеге ягыннан мөмкинлекләре чикләнгән укучылар өчен имтихан вакыты 1,5 сәгатькә артыграк.

Физикадан минималь чик 36 балл, җәмгыять белеменнән 42 балл тәшкил итә. Шул ук вакытта югары уку йортына керү өчен чыгарылыш сыйныф укучылары физикадан кимендә 39 балл җыярга, җәмгыять белеме буенча кимендә 45 балл җыярга тиеш.

Физика һәм җәмгыять белеме буенча БДИ нәтиҗәләрен имтиханнарда катнашучылар 20 июньдә үз мәктәбендә яисә Рособрнадзорның «ГИА» бүлегендәге рәсми сайтында белә алачак.