ЯЗМАЛАР
-
Бәпкә терапиясе
«Без синең кебек чакта өйгә кайтып керми идек!» Җәйге матур көндә өйдә телевизор каршында, йә булмаса телефон тотып утыручы замана балаларына иң еш әйтелә торган сүзләр бу, килешәсезме? Әйе, без чыннан да өйгә кайтып керми идек, чөнки әти-әни күзенә күренсәк, шунда ук эш кушалар иде. Шуларның берсе – бәпкә саклау.
-
Резеда Исмәгыйлева: «Тәрбия һәм белем бирү процессының тигезлеген саклау кирәк
Түбән Кама районы – бай тарихлы, үз традицияләре һәм хезмәт сөючән халкы булган территория. Милли мәгариф, халкыбыз мирасын яшь буынга җиткерү өлкәсендә дә эшчәнлекләре күзгә күренеп тора. «Туган телләргә өйрәтүне тәрбия эшеннән берничек тә аерып карап булмый», – ди Түбән Кама районы мәгариф идарәсенең милли эшләр буенча методисты Резеда Раиф кызы Исмәгыйлева. Мәгариф системасына башлангыч сыйныф укытучысы буларак кереп киткән, соңрак яңадан әзерлек үтеп татар теле һәм әдәбияты мөгаллиме буларак Түбән Кама шәһәрендә 16 ел хезмәт куйган, шулай ук директор урынбасары вазифаларын да башкарган, инде 11 елдан артык мәгариф идарәсендә эшләүче Резеда ханым өчен һәр укытучының борчулары да, проблемалары да яхшы таныш. Аның белән Түбән Кама районында мәгариф өлкәсендәге уңышлар һәм хәл итәсе мәсьәләләр хакында да бәйнә-бәйнә сөйләштек.
-
Замана уенчыклары
Килешәсездер, бүген күп кенә балалар өчен гаджетлар замана уенчыгына әверелде. Болай барса, алга таба үсеп килүче буынны берни белән дә кызыксындырып булмас бит. Үзем дә ике бала әнисе булгач, өч яшьлек Әмирә кызым һәм дүрт айлык Әмин улыбыз өчен уенчыкларны аеруча дикъкать белән сайлый башладым. Файдалы замана уенчыклары белән сезне дә таныштырасым килә.
-
Студентлар гаилә кора
Россиядә гаилә коручы студентлар саны елдан-ел арта бара. Бер яктан, бу илдәге социаль үзгәрешләр турында сөйләсә, икенче яктан, студент гаиләләренә дәүләт тарафыннан аеруча игътибар кирәклеген искәртә.
-
Сөю-сәгадәт
Дөньяның барлык милли әдәбиятлары традицияләр нигезендә яши, үсә. Элгәреләрен белмәгән язучы югары үрләрне яулый алмый. Ни кызганыч, татар халкының биниһая мирасы хәзерге вакытта күп кенә татар кешеләре өчен чишә алмаслык шифр булып тоела, чөнки алар гарәп имласында язылган. Шушы шифрга ачкычны булачак филолог, журналист, язучыларга, укытучыларга бирүче – КФУның мөгаллимәсе, шагыйрә Халисә Ширмән. Фәнни яссылыкта да, әдәби яссылыкта да Халисә Хатыйп кызы үсеп килә торган буынга халкыбызның чиксез бай мирасына «ачкыч» тапшыра.
-
«Әни – модератор, без – башкаручылар»
ТНВ каналында 30 елга якын татар журналистикасының йөзе булган иң матур пар – Гөлназ һәм Данил Гыйниятовлар гаиләсе белән татар дөньясын таныштырып тору да артык кебек. Ике мөгаллим егет тәрбияләгән әлеге гаилә белән тәрбия хикмәтләре һәм тормыш кыйммәтләре турында сөйләштек.
-
Бер калфактан башланган музей
Гөлүсә САФИНА, Балтач районы Салавыч күппрофильле лицееның башлангыч сыйныфлар укытучысы, «Туган якны өйрәнү» музее җитәкчесе Музей – гасырлар буе җыелып килгән тарихи, милли мирасны саклап, аларны кабат халкына җиткерә торган сандык кебек ул. Мәктәпләрдәге музейлар яшь буынны ватанпәрвәрлек рухында тәрбияләүдә аеруча зур роль уйный.
-
Кытай татарлары тарихын өйрәнү
Казан дәүләт университетының татар филологиясе һәм тарихы факультетында тарих юнәлеше буенча укыган вакытта Гөлназ Назыйм кызы Хисамиева параллель рәвештә Конфуций университетында кытай телен дә өйрәнә. ТР Фәннәр академиясенең Энциклопедия һәм төбәкне өйрәнү институтында аспирантура үтә. Бүгенге көндә шул ук институтның фәнни хезмәткәре булып эшли, «Төньяк-Көнбатыш Кытайда яшәүче татар диаспорасы» темасына кандидатлык диссертациясен якларга әзерләнә.
-
Дәрдемәнд турында кызыклы 13 факт
Бу олуг шагыйрь һәм меценат турында Татарстанның халык шагыйре Сибгат Хәким: «Осталыкка килгәндә өйрәнер нәрсәләр күп Дәрдемәндтә!» – дип язган. Әйе, шагыйрь, сүз остасы буларак Дәрдемәндне (Закир Рәмиевне) без олылап искә алабыз, бу хакта ярыйсы гына хезмәтләр дә бар. Әмма аның татар халкы өчен биниһая эшләр башкарган мәгърифәтче булуын да истән чыгарырга ярамас.
-
Никах туе
Яңа Чишмә районы Зирекле авылында 1990 елның җәендә кавышкан Зөлфия белән Рәшитнең (исемнәр үзгәртеп бирелә) никах туе тарихын үзләре сөйләгәннән язып алдым. Әйдәгез, туй истәлекләре белән бергә, әлеге җирлектәге йолаларны да барлыйк әле. Сүзне киленнең үзенә бирәм.
-
Мин – наркоман
Наркоманиянең упкынга илтүче начарлык икәнен аңлыйбыз. Һәм... Бетте. Белмәвең хәерле дип яшәр идең дә – балалар үсә. Күз йомарга ярамый, миңа кагылмас димә... Әти-әниләр, педагоглар һәм үсмерләр колагына файдалы киңәшләр сорап, белгечләргә мөрәҗәгать итмәдек. Анысы – икенче юлы. Япь-яшь ике наркоман кыз бала үз тарихларын сөйли бүген сезгә. Аңлаган кешегә гыйбрәте дә, тетрәнүе дә, тәрбиясе дә, киңәше дә шунда булыр. Исемнәрне, тернәкләнү үзәге, әлбәттә, күрсәтелмәде. Әмма кызлар тарихындагы бер генә вакыйга да, кызганыч, уйдырма түгел. Әле укучыларыбызга тәкъдим ителгәне дә – күлдәге тамчы гына...
-
Табигать дәресләре
Җәй! Бу сүздә күпме кояш, ял һәм ирек бар! Мәктәптә укулар бетсә дә, тормыш дәресләрен җәйге уеннардан, хезмәттән һәм табигатьнең үзеннән алыр чак.
-
Муниципаль ярдәм чаралары
Бүген Татарстанда махсус хәрби операциядә катнашучылар һәм аларның гаиләләре өчен 16 юнәлеш буенча 2 712 муниципаль ярдәм чарасы билгеле. Моннан тыш, тыныч тормышка кайткан сугыш ветераннарын да төрле яклап кайгырталар. Татарстан хәрбиләренә һәм аларның гаиләләренә муниципаль ташламалар, шул исәптән социаль ярдәм чаралары муниципаль берәмлекләр тарафыннан кабул ителгән карарлар ярдәмендә гамәлгә ашырыла. Аларның һәркайсы, ТР Юстиция министрлыгында хокукый экспертиза үтеп, дәүләт регистрына теркәлгән.
-
Татарстанда 9 укучы физикадан БДИны йөз баллга тапшырган
19 июнь Татарстан Республикасында физика һәм җәмгыять белеме (2 июньнеке) буенча БДИның нәтиҗәләре расланды.
-
Милли бизәк җаваплылык сорый
Татар хатын-кызлары борын заманнардан бирле алка, беләзек, чулпы сыман бизәнү әйберләренә өстенлек биргән. Хәзер дә милли бизәнү әйберләре гүзәл затларны битараф калдырмый. Дамира Гәрәева татар киемле курчаклар, милли бизәнү әйберләре ясый. Ул – үзебезнең яшәешне киң танытучы милләт җанлы педагог. Казанның 32 нче балалар бакчасында озак еллар нарасыйларга ана теле укыта һәм милли тәрбия орлыклары сала.
ТӘКЪДИМ ИТӘБЕЗ
