ЯЗМАЛАР
-
Курай тылсымы
Курай музыкант кулындагы тылсымлы таяк кебек. Уйнап җибәрүгә моң агыла. Анда уйнарга өйрәнү һәм коралны ясау серләре турында язмабыз.
-
Бабамны Габдулла Тукай дип уйлаганнар
Тамыр, кәүсә, ботак, яфрак эзлеклелеге кебек үк адәм балалары да әби-баба, ата-ана, балалар, оныклар эзлеклелеген кичереп яши. Шуңа да нәсел буыннарын чагылдырган схеманы агачка охшатып шәҗәрә дип атау кабул ителгән. Шәҗәрә – гарәпчә «агач» дигән сүз. Журналыбызда өр-яңа сәхифә «Нәселем силсиләсе» дип аталды, чөнки буыннар бәйләнешен чылбыр-силсилә рәвешендә күзалларга мөмкин бит. Биредә данлыклы татар шәхесләренең дәвамчылары үз гаилә тарихлары турында бәян итә. Иң мөһиме, шул гаилә эчендәге мөнәсәбәтләр татар халкының мәкальләре җирлегендә ачыклана, буыннар чылбырының акыл хәзинәсе халык тәгъбирләренә «төреп бирелә». Беренче каһарманыбыз – халык язучысы Нурихан Фәттахның оныгы Зөләйха Камалова.
-
Патриотлар остазы
Түбән Камадагы аерым фәннәр тирәнтен өйрәнелә торган 31 нче урта мәктәпнең тормыш иминлеге нигезләре, Ватанны саклау фәнен укытучы-оештыручысы Рәфхәт Сәгъдиевкә «Татарстанның халык укытучысы» дигән мактаулы исем бирелде. Күкрәк билгесен Татарстан Рәисе Рөстәм Миңнеханов укытучыларның республика август киңәшмәсендә тапшырды. 50 ел гомерен укучыларга белем бирүгә, илебезнең чын патриотларын тәрбияләүгә багышлаган мөгаллим белән без дә күрешеп сөйләштек.
-
В. Мединский тарих дәреслекләренә кертеләчәк үзгәрешләр хакында сөйләде
Быел 1 сентябрьдә Россия мәктәпләрендә укучыларга тарих буенча яңартылган дәреслекләр таратылачак. Бу хакта Казанда узган «Киләчәкне формалаштырып» министрлар форумында Россия Президенты ярдәмчесе Владимир Мединский хәбәр итте.
-
Россиянең данлы юлы
Исхак Ибраһим улы Исламов 1865 елның 27 июнендә Кронштадтта отставкадагы татар унтер-офицеры гаиләсендә туа. 1873–1880 елларда ул Кронштадт реаль училищесында белем ала. 1882 елда диңгез ведомствосының техник училищесын тәмамлый һәм императорга тугрылык турында Коръән белән ант итә. 1885 елда Исхак Исламов имтихан нәтиҗәләре буенча подпоручик дәрәҗәсенә күтәрелә һәм флот штурманнары корпусына хезмәткә алына.
-
Мәктәптә 2785 нче эвакуация госпитале
Гыйнвар аенда Әгерҗе шәһәренең Таҗи Гыйззәт исемендәге 3 нче урта гомуми белем мәктәбендә «Мәктәп тарихы музее» ачылды.
-
Абруй Сәйфи һәм беренче балалар бакчасы
Баланың белеме кайдан башлана? Балалар бакчасыннан! Шунда ул беренче тапкыр хәрефләр һәм саннар белән таныша. Әйләнә-тирә дөньяны өйрәнергә керешә. Интеллектуаль, әхлакый, эстетик һәм шәхес сыйфатлары да балалар бакчасында формалаша башлый. Ә сез Россиядә беренче балалар бакчасы бары тик 1863 елда гына барлыкка килгәнен белә идегезме? Беренче татар балалар бакчасын ачучы кеше журналист, педагог, җәмәгать эшлеклесе Абруй Сәйфи була. Нәкъ менә шушы кеше аркасында гына татар балалары туган телдә белем бирә торган мәктәпкәчә белем бирү учреждениеләренә йөри башлый.
-
Чисталык кодексы
5 июнь Россиядә Экололог көне буларак билгеләп үтелә. Шул исәптән экология темасына багышланган мәкаләне тәкъдим итәбез.
-
Телне ихтыяҗ яшәтә
21 февраль Халыкара туган тел көне буларак билгеләп үтелә. Туган телен камил дәрәҗәдә белгән кеше башка телләрне дә яхшы үзләштерә. Тел – төрле милләтләр арасындагы күпер, аралашу коралы да әле ул. «Туфан самавыры» тапшыруында Татарстан Фәннәр академиясенең Г. Ибраһимов исемендәге Тел, әдәбият һәм сәнгать институтында ареаль лингвистика бүлегенең өлкән фәнни хезмәткәре, филология фәннәре докторы Лениза Хәбибуллина булып китте. Тел галиме белән татар теле язмышы, аның фәндә кулланышы турында сөйләштек.
-
Балтачта Каюм Насыйри варислары
Балтачта «Балаларга тәрбия һәм белем бирүдә Каюм Насыйри мирасын куллану»га багышланган төбәкара конференция узды. Мондый чара республикабызда беренче тапкыр оештырылды. Ул Каюм Насыйри исемендәге республика премияләренә лаек булган өч мәгариф учреждениесе – Карадугандагы «Ак каен» балалар бакчасы, Бакый Зыятдинов исемендәге гимназия һәм Салавыч күпрофильле лицее мисалында тәрбия һәм белем бирү эшчәнлеге белән танышырга мөмкинлек тудырды.
-
Рузилә Фәттахова: «Телебезнең киләчәге татар теле укытучысы кулында»
2023 елның август аенда Бөтенроссия туган (татар) тел һәм әдәбият укытучыларын берләштергән оешмага нигез салынды. Бүген алар милли мәгарифне үстерү һәм туган телебезне камилләштерү өчен армый-талмый хезмәт куя. Эшләренең матур нәтиҗәләре күз алдында. Бөтенроссия туган тел һәм әдәбият укытучылары ассоциациясе җитәкчесе, ТР Мәгарифне үстерү институтының татар теле һәм әдәбияты кафедрасы доценты Рузилә Фирдәвес кызы Фәттахова белән бүгенге көндә алып барылган эшчәнлекләре, уңышлары һәм хәл итәсе проблемалар хакында да җентекләп сөйләштек.
-
Алия Шагаева: «Пушкин педагогикасы ярдәмгә килә»
Яшел Үзәннең яшеллеккә төренгән бер почмагындагы А.С. Пушкин исемендәге 9 нчы лицей шәһәргә килгән кунакларны ерактан ук үзенә җәлеп итеп тора. Тышкы матурлыгы белән генә түгел, алып барган эшчәнлекләре белән дә күпләргә үрнәк булырлык уку йортында без дә булып кайттык. Лицей директоры, педагогика фәннәре кандидаты, КФУ доценты Алия Юныс кызы Шагаева белән әңгәмәбез уку йортының бүгенге халәте, борчыган мәсьәләләр һәм аларны хәл итү юллары, ирешкән уңышлары хакында.
-
Татар каһарманнары
Биктар Бикбов һәм Вилит Мортазин – 1812 елгы Ватан сугышы һәм 1813–1814 еллардагы рус армиясенең чит ил походларында катнашкан татар каһарманнары. Хәрби тарихчыларның фәнни эзләнүләренең бер төре булып сугышларда катнашкан каһарманнар турында документларны ачыклау тора. Мондый документлар төрле архив эшләрендә очрый.
-
Син дроппер түгелме?
Зур эшләр майтармыйча, тиз генә акча эшләп алырга омтылган үсмерләр кайчакта мошенникларның ярдәмчесенә әверелүен үзләре дә сизми кала. Кызганыч, бу хакта тәртип саклау органнары белән очрашкач кына белеп алучылар һәм җавапка тартылучылар да юк түгел. Ә сез дроппер түгелме?
-
Татарстанның «Ел укучысы» Гыймран Абдуллин
Идел буе дәүләт физик культура, спорт һәм туризм университетында Бөтенроссия фән олимпиадаларында җиңүчеләрне һәм призёрларны, аларның остазларын, мәгариф идарәләре җитәкчеләрен һәм мәктәп директорларын тәбрикләү тантанасы узды. Анда ТР мәгариф һәм фән министры Илсур Һадиуллин Казандагы 2 нче лицей-интернат укучысы Гыймран Абдуллинның «Татарстанның ел укучысы» исеменә лаек булуы хакында игълан итте.
ТӘКЪДИМ ИТӘБЕЗ
