ЯЗМАЛАР
-
Гаффар дигән нәсел бар
Татар дөньясында Гаффаровлар – шактый абруй казанган нәсел. Балык Бистәсе районының Әшнәк авылында туып үскән каләм ияләре династиясе. Әхәт Гаффар – танылган прозаик, драматург. Рәкыйп Гаффар – гомере буе «Татарстан» радиосында эшләгән журналист. Төпчекләре Ринат Гаффар – шулай ук Язучылар берлеге әгъзасы. Һәрберсе – кызыклы шәхес. Язучы Әхәт Гаффар белән галим Фәридә Гаффарованың кызлары Сөмбел Гаффарова үзенең нәсел тарихы, якыннары һәм гаиләләрендәге күркәм гадәтләр белән таныштыра.
-
Тыелган тема – порнофильм
Бала тәрбияләгәндә тыелган темаларны читләтеп үтәргә, кичектерергә тырышабыз. Әмма, аңа карап, алар юкка чыкмый, киресенчә. Мисал өчен, бүген порнография күренешләре белән кызыксынучы балаларның исәбеннән бигрәк, яше кими. Тыелган җимеш нигә кызыктыра? Сорауга җавапны белгечләр белән эзләдек.
-
Cәнгать – яхшы тәрбияче
Хәзерге ата-аналар инсан тәрбияләүнең төрле юнәлешләрен куллана. Моның өчен шартлар да җитәрлек. Әмма милли җирлектән аермыйча, сәнгати тәрбиянең дә мөһимлеген истән чыгармаска кирәк. Бу хакта «Туфан самавыры» сәхифәсендә дә сөйләштек. Кунагыбыз – ТР Фәннәр академиясендәге Г. Ибраһимов исемендәге Тел, әдәбият һәм сәнгать институтының Тасвирый һәм декоратив-гамәли сәнгать бүлеге мөдире, Cәнгать белеме үзәге җитәкчесе, Дамир Сираҗиев исемендәге театраль премия лауреаты, Бакый Урманче исемендәге премия лауреаты, Татарстанның атказанган сәнгать эшлеклесе, сәнгать фәннәре докторы Рауза СОЛТАНОВА.
-
Ләйсән Хәмитова: «Әти белән әни абруена салынмадым»
Танылган музыкант, дирижёр, композитор, Татарстан дәүләт җыр һәм бию ансамбленең оркестр җитәкчесе, Татарстанның халык артисты Рәшит Мостафин белән шул ук ансамбльнең легендар биючесе, Татарстанның атказанган артисты Рузалия Мостафина – республиканың сәнгать дөньясында зур абруй казанган шәхесләр. Аларның кызлары Ләйсән, шулай ук аның гаиләсе дә – татарның бию сәнгатендә үз урыннарын булдырган артистлар. Җыр һәм бию ансамбле карамагындагы «Юлдаш» балалар студиясенең сәнгать җитәкчесе, балет буенча репетитор, Татарстанның халык артисты Ләйсән Хәмитова белән талантлы гаиләнең нәсел агачын барлыйбыз.
-
Әни, мин үзем!
Сабый чакта балаларны өйдәге хезмәттән ерак тотабыз. Комачаулама, янәсе. Ә бит көндәлек эшләр – тәрбия чарасы гына түгел, бала өчен файдалы нейрокүнегү дә.
-
Бала әле без!
«Тәртип» радиосы, әниләргә карата хөрмәт, ихтирам йөзеннән, «Бала әле без!» дип исемләнгән өр-яңа проект башлап җибәрде. Беренче адым, яңа сулыш алып алга атлаучы Тинчурин театры белән ясалды.
-
Ризаэддин Фәхреддин турында кызыклы 10 факт
Дин галиме, тарихчы, әдип, педагог, дини реформатор, казый, мөфти, археограф, эпиграфист, шәркыят белгече, җәмәгать эшлеклесе Ризаэддин Фәхреддин ике дәвердә яшәгән: XIX гасыр ахыры – XX гасыр башы мәгърифәтчесе. Рухи мирасның килер буыннар өчен әһәмиятен тирән аңлаган шәхес. Совет дәүләте ХХ йөзнең 20 нче елларында дингә каршы аяусыз көрәш башлагач, Уфада яшәгән чагында, Диния нәзарәте архивын саклап калу өчен, күп кенә бусагаларны таптый, хатлар яза, документларның дингә генә нисбәтле түгеллеген дәлилли һәм татар тарихы өчен мөһим булган, бәһасез чыганакларны саклап калуга ирешә.
-
Физкультура+спорт=сәламәтлек
Спорт сәламәтлекме? Кайсы очракта файда китерәм дип зыян салырга мөмкин? Физик активлыкның төрләрен аерырга һәм тормышыбызга дөрес итеп кертергә өйрәник.
-
Гөлүсә Галләмиева: «Авылны мәктәпләр яшәтә»
Авыл – телне, милләтне саклаучы, дибез. Ә авылны яшәтүче, аңа ямь өстәп торучы үзәк – ул нәкъ менә мәктәп һәм балалар бакчалары. Апас районына сәяхәтебездә бу якта мәгариф өлкәсенә нык басым ясап, киләчәк буынга заманча белем һәм тәрбия бирү өлкәсендә зур тырышлык куюларына инанып кайттык. Районның мәгариф бүлеге җитәкчесе Гөлүсә Галләмиева белән әңгәмәбез бу җирлектә алып барылган эшчәнлек, уңышлар һәм хәл итәсе мәсьәләләр хакында булыр.
-
Данлыклы Яңа Кенәр
Яңа Кенәр авылының Социалистик Хезмәт Герое Стелла Зәкиевна Габдрахманова исемен йөрткән уку йортына кайтып, авыл мәктәбенең сулышын тоеп килгән идек инде. Директоры Хәмбәл Хабил улы Зарипов белән журналыбызның «Тәртип» радиосы белән уртак проекты – «Мәгърифәт нуры» тапшыруында кабаттан күрештек.
-
Шахмат буенча вице чемпион – Казаннан!
Идел буе дәүләт физик культура, спорт һәм туризм университетын тәмамлаган Владислав Артемьев тиз шахмат буенча Дохада узган дөнья чемпионатында вице-чемпион титулына лаек булды!
-
Авылга береккән мөгаллим
Җаны-тәне белән авылга береккән кешеләр бар. Татарстанның халык укытучысы Мәсхүт Гарифҗанов – шундыйларның берсе. Арча педагогия училищесын тәмамлап, читтәрәк булган мәктәптә эшли башлагач та, туган авылыннан аерылмый ул. Кулында дипломы булса да, хәзерге кебек мәктәптә көтеп торучы булмаган аны. Үз юлын үзе ярып баручы авыл мөгаллиме шундый була торгандыр шул.
-
«Мин – феминистка түгел!»
Татарның классик драматургы, фикер иясе, дәүләт эшлеклесе Туфан ага Миңнуллинның быел 90 еллыгы билгеләп узыла. Шул уңайдан «Туфан самавыры» тапшыруына халык язучысының кызын, Татарстан Республикасының атказанган матбугат һәм массакүләм коммуникацияләр хезмәткәре, журналист Әлфия Миңнуллина-Юнысованы чакырдык. Күптән түгел генә язучының «Минһаҗ маҗаралары» китабының рус варианты дөнья күрде. Әсәрне Әлфия апа тәрҗемә итте.
-
Археолог – тарихны укучы
Татарстан – бай тарихлы, күп катламлы мәдәнияткә ия төбәк. Ул тарихның иң серле, иң кызыклы сәхифәләрен безгә ачучылар – археологлар. Аларның эше – гади эзләнүләр генә түгел, ә борынгы заманнарга сәяхәт, безнең ата-бабаларыбызның рухи хәзинәләрен, тормыш-көнкүрешен, дөньяга карашларын ачу. Тарих фәннәре кандидаты, Татарстан Фәннәр академиясенең А.Х. Халиков исемендәге Археология институтының өлкән фәнни хезмәткәре Ренат Вәлиев белән археология фәне серләрен ачабыз.
-
Татар каһарманнары. Бәдамшаһ Курамшин
Сембер губернасының Буа өязе татарлары XVIII–XIX гасырларда дәүләт крестьяннары булып саналганнар, шуңа күрә император Пётр I нең 1722 елгы указы нигезендә аларга рекрутлык йөкләмәсе кагылган. Бизнә авылында (хәзерге Чүпрәле районы Татар Бизнәсе) туып үскән Бәдамшаһ Курамшин 1791 елда рекрутлыкка алына һәм Балтыйк флотына эләгә.
ТӘКЪДИМ ИТӘБЕЗ
