ЯЗМАЛАР
-
Бер гасырлык волейбол
Баксаң, бер матч вакытында волейболчылар кимендә 250 тапкыр сикерә, 750 метр араны йөгереп уза икән. Моның кадәр хәрәкәтне үзләре сизмидер дә, бәлки, әмма тәндәге һәр буынның күзгә күренеп ныгуын тәгаен беләләр, шуңа бу спортка мөкиббән дә алар. Волейболда тән җәрәхәте алу куркынычы да бермә-бер ким, күңел өчен азыкны да мулдан җыярга була. Бер гасырлык тарихы булган әлеге спорт төренең бәрәкәтле якларын барлыйбыз.
-
Күптелле Россия
10–11 апрельдә Казанда Татарстан Республикасында «Күптелле Россия: мәдәниятләр диалогы аша сыйфатлы белем бирүгә» халыкара форумы уза. Анда Россиянең фәнни оешмалары вәкилләре, Россия мәктәпләре һәм югары уку йортлары җитәкчеләре һәм педагогик хезмәткәрләре, якын чит илләрдән килгән вәкилләр катнаша.
-
Мөхетдин Корбангалиев. Татар телен укытуның яңача куелышы
1917–1941 елларда татар мәктәпләрендә татар телен һәм әдәбиятын укытуның яңача куелышын, татар телен гамәлгә кую мәсьәләләрен күз уңында тотарга кирәк. Татар теленең фәнни эшләнеше һәм аны дәүләт дәрәҗәсендә куллану – татар зыялыларын күптәннән борчыган төп мәсьәләләрнең берсе. 1917 елгы Февраль революциясеннән соң бу юнәлештә беренче адымнар да ясала.
-
«Мәгариф самавыры» Азнакайга китте
Бүген редакциябездә «Мәгариф» һәм «Гаилә һәм мәктәп» журналларына язылучылар арасында уйнатылган «Мәгариф» самавыры» акциясендә һәм инде күптән көтелгән «Мәктәп бәйрәмнәре» сценарийлар бәйгесендә җиңүчеләрне котладык.
-
Сыерчык оясы
1 апрель – Халыкара кошлар көне. Кошларның төрләрен һәм санын саклауга юнәлдерелгән экологик бәйрәм бу. Ирексездән, мәктәптәге бәйрәм чаралары, рәсем, сыерчык оясы бәйгеләре искә төшә. Кешеләр сыерчык ояларын XVIII гасырда ук ясый башлый. Бүген исә максатыбыз иң матур оя белән шаккатыру түгел, ә сыерчыкның өе нинди булырга тиешлеге хакында.
-
Билгесез татар каһарманнары
Ватанны саклаучылар елына багышлап Актаныштагы 1 нче урта мәктәп, Башкортстандагы «Ак Идел җире» туган якны өйрәнүчеләр берләшмәсе, Татарстан Фәннәр академиясенең Ш.Мәрҗани исемендәге Тарих институты белән берлектә Туган якны өйрәнүнең актуаль мәсьәләләренә багышланган фәнни-гамәли конференция үткәрде. Биредә күрше республикада яшәгән татар каһарманнары «Кара генерал» Даян Мурзин һәм ике тапкыр Советлар Союзы Герое Муса Гәрәев турында чыгышлар катнашучыларга аеруча нык тәэсир итте.
-
«Ел укытучысы – 2025». Мәгарифтә яңа йолдызлар
Казанда «Ел укытучысы – 2025» Бөтенроссия бәйгесенең республика этабын йомгаклау тантанасы узды. Укытучыларның абруен күтәрүгә исәп тоткан әлеге бәйге Россия күләмендә 1992 елдан башлап уздырыла, бездә – 33 нче тапкыр.
-
Гөлинә Саттарова: «30 ел буе телебез сагында без»
1976 елда нигез салынган Осиново мәктәбе быел үзенең гимназия буларак эшли башлавының 30 еллыгын билгеләп үтә. Мәшһүр җитәкче, РСФСРның атказанган авыл хуҗалыгы эшлеклесе Сәяс Кыям улы Гыйматдинов исемендәге белем йорты бәйрәмне, кем әйтмешли, капиталь ремонттан соң баштанаяк яңарып һәм шул ук вакытта электән үк үзенә генә хас эчке җылылыгын саклаган хәлдә каршылый.
-
Заман укытучысына заманча таләпләр
2020 елда «Мәгариф» гомумдәүләт проектының «Киләчәк укытучысы» федераль проектын гамәлгә ашыру кысаларында ил күләмендә Мәгариф хезмәткәрләренең һөнәри осталыгын өзлексез арттыру һәм Педагогларның һөнәри осталыгын һәм квалификациясен бәяләү үзәкләре ачылды. Бүген бу өлкәдә нинди яңалыклар бар? Татарстанда Мәгариф хезмәткәрләренең һөнәри осталыгын бәяләү үзәге ничек эшләп килә? Сорауларыбызга җавап эзләп, әлеге оешманың директоры, филология фәннәре кандидаты Ләйсән МИНГАЛИЕВАга мөрәҗәгать иттек.
-
Бәхет яшәгән өйдә
Бөтендөнья татар конгрессы Башкарма комитеты җитәкчесе, Татарстан Республикасы Дәүләт Советы депутаты Данис Фәнис улы Шакиров – бик яшьли татар хәрәкәтенә килеп кереп, үз урынын тапкан һәм ышаныч яулаган шәхес. Милли тормыш сагында эшләүче җитәкченең тылы да нык. Гөлнара һәм Данис Шакировлар гаиләсендә кунакта без бүген.
-
Хатларда – Такташ күңеле
Һади Такташ үз чорының шактый кәттә шагыйре булган. Гаилә төшенчәсенә дә аның карашы яшь совет заманында формалашкан. Ә инде өйләнеп, гаилә мәшәкатьләренә чумгач, сары чәчле, зәңгәр күзле ир-атның фикере үзгәрә. Бу аның иҗатында да ачык чагылыш тапкан... Такташ ике тапкыр өйләнгән. Беренче хатыны – Гөлчәһрә Хәмзина. Чыгышы белән хәзерге Алексеевск районының Коры Көрнәле авылыннан. Икенчесе – Гөлчәһрә Мансурова. (Кайбер чыганакларда аны «Гөлчирә» дип язалар.) Журнал укучыларына Такташның хатыннарына язган хатларыннан өзекләр китерәбез. Шушы хатларда яраткан шагыйребезнең ир-ат, ата кеше буларак шәхесе ачыла. Беренче никахтан туган Рафаилне күпмедер вакыт ялгыз башы тәрбияләве, хатынына юллаган сәламнәре дә бар ул хатларда. Икенче хатыны Гөлчәһрә аңа шулай ук ир бала − Аванны бүләк итә. Әмма татар шагыйренә гаилә бәхете, гомумән, иҗат итеп озак еллар яшәү насыйп булмаган. Шушы кыска фани гомерендә шагыйрь гаилә башлыгы буларак үз вазифасын ничек башкарган? Сакланып калган хатларда – ярсу һәм ихлас хисләр...
-
Якын кешеңне югалту
Тормышта һәр мәсьәләнең чишелеше бар, тик үлемгә генә чара юк. Якын кешеңне югалту һәркем өчен авыр, ә ныгымаган бала күңеле ничек түзсен? Язмабыз геройларының язмышы (бик шәхси мәсьәлә булу сәбәпле, исемнәр үзгәртелеп бирелә) бәлки кемнәргәдер гыйбрәт, кемнәргәдер аякка басарга этәргеч булыр. Тормыш мәшәкатьләренә күмелмичә, янәшәбездәге китек күңелле, мәрхәмәткә һәм җылы сүзгә мохтаҗларга игътибарлырак булсак һәм шуңа балаларыбызны да өйрәтсәк иде.
-
Фән халыкка аңлаешлы булсын!
Татарстан Фәннәр академиясенең Галимҗан Ибраһимов исемендәге Тел, әдәбият һәм сәнгать институты 85 еллыгын бәйрәм итә. Әлеге җәһәттән журналыбызның туры эфирда уза торган «Туфан самавыры» проектында кунакта институтның директоры, филология фәннәре кандидаты Илгиз Илдар улы Халиков булып китте. Аның кайбер фикерләрен тәкъдим итәбез.
-
Татар телен укыту методикасының үсеш баскычлары
Мөслимә Шәкүрова, филология фәннәре кандидаты, доцент, ТР ФА Г. Ибраһимов исемендәге Тел, әдәбият һәм сәнгать институтының милли мәгариф бүлеге әйдәп баручы фәнни хезмәткәре.
-
Яши әле Мунчәли
Кайчандыр данлы, зур авыл булган Мунчәли. Замана җиле бу салага да кагылмый калмый. Илмир Измайлов моннан 20 еллар элек туган авылының язмышы хакында уйлана башлый. Туган җирләренең киләчәгенә битараф булмаучы авылдашлары да табыла.
ТӘКЪДИМ ИТӘБЕЗ
